پەرلەمانتارێكی كورد لە لیژنەی دارایی پەرلەمانی عێراق رایگه‌یاند، هەفتەی داهاتو لیژنەی دارایی پەرلەمانی عێراق سەردانی هەولێر دەکات و دەشڵێت، دەبێت چارەسەری كێشەی دواكەوتنی موچەی موچەخۆرانی هەرێم بكرێت.
ئاوێنە: نەرمین مەعروف، ئەندامی لیژنەی دارایی لە پەرلەمانی عێراق، ئەمڕۆ هەینی لە لێدوانێكدا رایگەیاند، هەفتەی داهاتو لیژنەی دارایی عێراق سەردانی هەولێر دەکات و لەگەڵ وەزارەتی دارایی هەرێم کۆدەبێتەوە.
سەبارەت بە ئامانجی سەردانەكە باسی له‌وه‌كرد: "بەمەبەستی پشتیوانی كردنی لیژنەی داراییە لەو رێككەوتنەی لە چەند ڕۆژی ڕابردو لەنێوان عێراق و كوردستان كراوە لەبارەی موچە و بودجە و داهاتەكان".
ئاماژەی بەوەشدا، ئەوەی جێی نیگەرانییە تا ئێستا دواكەوتنی موچەی فەرمانبەرانی هەرێمی كوردستان بەردەوامە، دەبێت چارەسەر بۆ ئەمەش بدۆزرێتەوە.