بەرپرسێکی ئێف بی ئای رایگەیاند، ئەو کەسەی تەقەی لە دۆناڵد ترەمپ کرد، "تۆماس ماسیو کرۆکسە و تەمەنی 20 ساڵە و هێشتا نازانین کێ پاڵنەری بوە و بۆچی ئەم کارەی کردوە."
کێڤن رۆجیک بەرپرس لە نوسینگەی لێکۆڵینەوە فیدڕاڵییەکانی ئەمریکا (ئێف بی ئای) لە کۆنفرانسێکی رۆژنامەوانیدا رایگەیاند، ئەو کەسەی تەقەی لە دۆناڵد ترەمۆ کردوە گەنجێکی تەمەن 20 ساڵە بە ناوی تۆماس ماسیو کرۆکس.
کێڤن رۆجیک هیچ زانیارییەکی دیکەی لەبارەی تەقەکەرەکە نەخستەڕو.
بەرپرسەکەی ئێف بی ئای ئاماژەی بەوەشكرد، دۆناڵد ترەمپ سەرۆکی پێشوی ئەمریکا گوێچکەی برینداربوە، هێشتا پاڵنەر و هۆکاری هەوڵدان بۆ تیرۆرکردنی ئەو کەسایەتییە روننەبوەتەوە.
ئەوەشی خستەڕو، "ئێمە روداوی تەقەکردن لە دۆناڵد ترەمپ بە هەوڵی تیرۆرکردن دەناسێنین."