بەڕێوەبەرایەتی گشتی تەندروستی گەرمیان، ئێوارەی ئەمڕۆ پێنجشەممە، رایگەیاند، یەكەم حاڵەتی نەخۆشی كۆلێرا لە سنورەكەیان تۆماركراوە كە ژنێكی تەمەن 24 ساڵانە.
ئاوێنە: بەڕێوەبەرایەتییەكە، لە راگەیەندراوێكدا ئەوەشی وتوە، تیمه‌كانى به‌ڕێوبه‌رایه‌تى خۆپاراستنى ته‌ندروستى گه‌رمیان راسپێردراون بۆ به‌دواداچونى ئه‌و كه‌یسه‌و لێكۆڵینه‌وه له سه‌رچاوه‌ى توشبونی.
تەندروستی گەرمیان داوای له هاوڵاتیان كردوە، كه خۆیان بپارێزن به‌مه‌به‌ستى دوربون له مه‌ترسییه‌كانى حاڵه‌ته‌كانى سكچون و كۆلێرا، ئه‌ویش به گرتنه‌به‌رى رێكارى پاكوخاوێنى و خۆپارێزی و دڵنیابونه‌وه له پاكیی سه‌رچاوه‌ى ئاوی خواردنه‌وه.