ژوری منداڵبونی بێ ئازار لەسلێمانی كرایەوە
  2019-07-28     

ئەمڕۆ یەكشەممە، لەڕێوڕەسمێكدا ژوری منداڵبونی بێ ئازار لە ناو نەخۆشخانەی منداڵبونی فێركاریی سلێمانی كرایەوە، ئەوەش بۆ كەمكردنەوەی رێژەی منداڵبون بە نەشتەرگەری.

ئاوێنە: لەكۆنگرەیەكی ڕۆژنامەوانیدا د. شلێر فایەق، بەڕێوەبەری نەخۆشخانەی مناڵبونی فێركاری رایگەیاند، ئەم خزمەتگوزارییە نوێیە بریتییە لە بەكارهێنانی غازی ئەنتۆنۆكس كە تێكەڵەیەكە لەغازی ئەنترۆئۆكساید لەگەڵ ئۆكسجین و لەوڵاتاندا زۆر بەكاردێت و ئەو كەسانەی  لەكاتی ئازاردان، بەهەڵمژینی غازەكە ئازارەكەیان كەم دەبێتەوە.

وتیشی"ماوەی زیاتر لەساڵێكە سەرقاڵی ئامادەكردنی ئەم پڕۆژەیەین، ویستمان منداڵبونی بێ ئازار بێنینە نەخۆشخانەی مناڵبون بەهۆی ئەوەی ڕێژەی منداڵبون بەنەشتەرگەری زیادی كردوە، ئەم هەنگاوە یەكێكە لەو ڕێگاچارانەی مەترسی لەدایكبون بەشێوەی سروشتی كەم دەكاتەوە."

لای خۆیشییەوە د.سەباح نەسرەدین، بەڕێوەبەری گشتی تەندروستی سلێمانی بە رۆژنامەنوسانی راگەیاند"تەندروستی سلێمانی مێژوییەكی نوێ لەپێشكەشكردنی خزمەتگوزارییەكی تازە دەست پێدەكات كە بەكارهێنانی غازە لەكەمكردنەوەی ئازار بۆ لەدایكبونی منداڵ بەشێوەی سروشتی و ئەم جۆرە غازە تاقیكراوەتەوە كە هیچ جۆرە زیانێكی نابێت لەسەر دایكەكە و مناڵەكەی."

بەڕێوەبەری گشتی تەندروستی سلێمانی دڵنیایی دایە هەمولایەك كە تێچوی غازەكە هەر چەندێك بێت لەئەستۆی دەگرن و دابینی دەكەن.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×