بەشێکی زۆر لەو منداڵانەی دەرزی گەشەیان بۆ بەکاردەهێنرێت بە مەبەستی بازرگانییە
  2022-12-06     

بەڕێوەبەری نەخۆشخانەی د. جەمال ئەحمەد رەشیدی منداڵان رایگەیاند، بەشێک لەو منداڵانەی لە دەرەوەی نەخۆشخانە حکومییەکان دەرزی گەشەیان بۆ بەکاردەهێنرێت، پێویستیان نییە و بەمەبەستی بازرگانییە.

ئاوێنە: د. پشدەر عەبدوڵڵا بەڕێوەبەری نەخۆشخانەی د. جەمال ئەحمەد رەشیدی منداڵان بە تۆڕی میدیایی ئێستای راگەیاند، ” لە نەخۆشخانەی منداڵان 600 منداڵ دەرزی گەشەیان بۆ بەکاردەهێنرێت، دیارە ئەو دەرزییە لە بەغدادەوە بۆمان دێت لە ئێستادا تەواو بووە، چاوەڕێ دەکەین لە چەند هەفتەی داهاتوودا وەجبەیەکی دیکەمان بۆ بێت و بەکارهێنانی بۆ ئەو منداڵانەی پێویستیانە دەستپێبکاتەوە”.

ئاماژەی بەوەش کرد، “ئەم دەرزییە تەنها لە ناو نەخۆشخانە حکومییەکاندا نییە، بەڵکو لە دەرەوەش هەیە، بەڵام ئەوەی لای ئێمەیە کوالێتی زۆر بەرزە و نرخی هەر دەرزییەکی دەگاتە 200 هەزار دینار”.

سەبارەت بە زۆربوونی ژمارەی ئەو منداڵانەی کە تووشی گرفتی وەستانی گەشەی لەشیان بوون د. پشدەر وتی، “لە راستیدا ژمارەکە بەراورد بە ژمارەی دانیشتوان بەرز نییە، ئەسڵەن هەندێک منداڵ پێویستیان بەو دەرزییە نییە، بەڵام لە دەرەوە بە مەبەستی بازرگانی دەڵێن ئەو کێشەیەیان هەیە و ئەو دەرزییەیان بە نرخێکی زۆر بۆ بەکاردەهێنن”.

ئاشکراشی کرد، “ئێمە لە نەخۆشخانەکەمان هەفتەی چوار رۆژ لیژنەی تایبەتمان هەیە بە گەشەی منداڵ ئەو منداڵانە دەبینن کە کێشەی گەشەیان هەیە، هەموو دایک و باوکێک کە گومانی لە گەشەی منداڵەکەی هەیە دەتوانێت بیهێنێت و لەوێ هەموو جۆرە پشکنینێکی پێویستی بۆ دەکرێت، گەر پێویستیش بکات بەبێ بەرامبەر دەرزییەکانی بۆ دەکرێت”.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×