پسپۆری نەخۆشییەكانی هەناوی‌و شەكرە، د. كامەران عەبدولمەجید رایدەگەیەنێت نەخۆشی شەكرە بۆماماوەییە، باس لەوەش دەكات ئەو نەخۆشییە دەكرێت بە دو جۆرەوە بەشێكیان توشی ژنانی دوگیان دەبێت.
ئاوێنە: د. كامەران عەبدولمەجید، پسپۆری نەخۆشییەكانی هەناوی‌و شەكرە بە ماڵپەری فەرمی بەرێوەبەرایەتی تەندروستی سلێمانی راگەیاندوە شەكرە لەبنەڕەتدا نەخۆشیەكی بۆماوەییە و دوجۆری هەیە، جۆرێكی تر هەیە توشی ژنانی دوگیان دەبێت و شەكرە هەیە لەئەنجامی نەخۆشییەكانی هەوكردنی پەنكریاس دروست دەبێت و شەكرەی پیر بون هەیە و شەكرەی قەڵەویش هەیە.
باس لەوەش دەكات ئەو كەسانەی توشی شەكرە لەجۆری یەكەم دەبن زیاتر گەنجەكانن‌و ئەوانەشی توشی جۆری دوەم دەبن كەسانی بەتەمەنن هەروەها رایدەگەیەنێت بۆی هەیە گەنج‌و پیر توشی جۆری یەكەم‌و دوەمی نەخۆشی شەكرە دەبن‌و بەڵام زیاتر گەنجان توشی جۆی یەكەم دەبن.
ئەو وتی " نەخۆشی شەكرە سەرچاوەی زۆربەی نەخۆشییەكانە وەك پەستانی خوێن، بەرزی چەورییەكان و شەكرە هۆكارێكە بۆ لاواز بونی گورچیلەكان بەهۆی كەمبونەوەی رێژەی ئاو لە جەستە و دەبێتە هۆی خەستوونەوەی خوێن و بۆ ئەوەی كاریگەریەكانی شەكرە لەسەر جەستە كەم بكرێتەوە پێویستە بەبەردەوامی شلەمەنی بخورێتەوە بە تایبەتی ئاو".