چۆن خۆت لەتوشبون بەبەردی گورچیلە دەپارێزیت؟
  2022-03-05     


به‌ردی گورچیله بریتییه‌ له‌ نیشتووی ره‌ق و بچووکی کانزایی و خوێی ترشی له‌ به‌شی ناوه‌وه‌ی گورچیله‌کان.

به‌ شێوه‌یه‌کی ئاسایی ئه‌و ماددانه‌ی که‌ ده‌بنه‌ هۆی دروست بوونی به‌ردی گورچیله‌ وون ده‌بن له‌ میزدا به‌ڵام کاتێک میز چڕ ده‌بێته‌وه‌ ئه‌وا ئه‌و کانزایانه‌ ده‌بن به‌ کریستاڵ و به‌ یه‌که‌وه‌ ده‌نوسێن و ڕه‌ق ده‌بن و ده‌بنه‌ هۆی دروست کردنی به‌ردی گورچیله‌ وه‌ زۆربه‌ی ئه‌و به‌ردانه‌ش پێکهاتوون له‌ کالیسیۆم.

هۆکاری مه‌ترسیدار بۆ دروستبوونی به‌ردی گورچیله‌:

1- که‌مخواردنه‌وه‌ی شله‌؛ ئه‌گه‌ر به‌ شێوه‌یه‌کی پێویست ئاو نه‌خورێته‌وه‌ ئه‌وا میز چڕ ده‌بێته‌وه‌ به‌مه‌ش مه‌ترسی دروست بوونی به‌ردی گورچیله‌ زیاد ده‌کات.
2- بۆماوه‌و مێژووی خێزانی.
3- ته‌مه‌ن و ره‌گەز؛ ئه‌و که‌سانه‌ی توشی به‌ردی گورچیله‌ ده‌بن ئه‌وا ته‌مه‌نیان له‌ نێوان 20 بۆ 70 ساڵ ده‌بێت وه‌ ڕه‌گه‌زی نێر زیاتر له‌بارترن بۆ توشبوون.
4- خۆراک؛ ئه‌و خۆراکانه‌ی ڕێژه‌یان به‌رزه‌ له‌ پرۆتین و سۆدیۆم وه‌ هه‌روه‌ها ڕێژه‌یان که‌مه‌ له‌ کالیسۆم مەترسی دروست بوونی به‌ردی گورچیله‌ زیاد دەکە‌ن.
5- که‌م جوڵەیی
6- قه‌ڵه‌وی
7- به‌رزی فشاری خوێن
8- کێشه‌ی ده‌زگای هه‌رس کردن

نیشانه‌کانی بەردی گورچیلە:
تاوه‌کو به‌ردی گورچیله‌ نه‌جولێت و نه‌ێیته‌ خواره‌وه‌ ئه‌وا ئه‌سته‌مه‌ هه‌ست به‌ بوونی بکرێت وه‌ کاتێک ده‌جولێت له‌وانه‌یه‌ ئه‌م نیشانانه‌ی خواره‌وه‌ رووبده‌ن:

1- ئازار له‌ ته‌نیشته‌کانی پشت (که‌له‌که‌) و خوار په‌راسوه‌کان
2- گۆڕان له‌ توندی ژانه‌که‌ که‌ له‌وانه‌یه‌ بۆ 20 خوله‌ک تاوه‌کو 60 خوله‌ک بخایه‌نێت
3- ژانه‌که‌ له‌ که‌له‌که‌وه‌ ده‌گوازرێته‌وه‌ بۆ به‌شی خواره‌وه‌ی سک و بنی سک
4- بوونی خوێن له‌ناو میز یاخود لێڵ بوونی میز
5- زورانه‌وه‌ی میز
6- هێلنج و ڕشانه‌وه‌
7- وه‌ هه‌ندێ جار تاو له‌رزیشی له‌گه‌ڵه‌ .

بەهیوای سەلامەتی بۆ گشت لایەک

د. ئەحمەد عەبدولحەمید جاف
پسپۆری‌ نەشتەرگەری‌ گورچیلە و میزەرۆ

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×