سودەكانی ڤیتامین E
  2019-05-13     

 

ڤیتامین E بەگرنگ دادەنرێت بۆ تەندروستی پێست و بەكارهێنانی رێكخراوی ئەو ڤیتامینە سوودی هەیە بۆ بەدەستهێنانی پێستێكی تەندروست و رەونەقدار، دەتوانرێت ئەم ڤیتامینە لەرێگەی خواردنەوە دەست بكەوێت یاخود بەشێوەی دەرەكی كە دەدرێت لەپێست.


پسپۆڕان رێنوێنی دەدەن بۆ پشتگوێ نەخستنی بەكارهێنانی دەرەكی سەرچاوەی دەستكەوتنی ڤیتامین E بەهۆی ئەوەی بەو شێوازە سوودی زیاترە بەراورد بەشێوازی دەستكەوتنی لەرێگەی خۆراكەوە، ڤیتامین E بە زۆرترین مەوادی دژەئۆكسان دادەنرێت كە لەپێستدا هەیە و بەگشتی سوودێكی زۆری لەسەر پێست هەیە:


1. پاراستنی پێست لەتیشكە زیان بەخشەكان: بەپێی توێژینەوەكان دەركەوتووە ڤیتامین E توانای پاراستنی پێستی هەیە لەتیشكی سەرو وەنەوشەیی و شێرپەنجەی پێست، بەكارهێنانی ڤیتامین E لەگەڵ ڤیتامین C پێكەوە كاریگەرییەكی گەورەی هەیە لەپاراستنی پێست لە تیشكە زیان بەخشەكان.


2. تایبەتمەندێتی دژە هەوكردن: یەكێك لەسوودەكانی ڤیتامین E بۆ پێست بریتیە لەكەمكردنەوەی سووربوونەوە و برینداربوون و ئەو نیشانانەی بەهۆی هەستیاریی و هەوكردنی پێستەوە دروست دەبێت.


3. چاكبوونەوە لەبرینداری: رێژەی ڤیتامین E لەگەڵ ڤیتامین C لەپێستدا كەم دەكات بەشێوەیەكی خێرا لەكاتی برینداروون یاخود سووتانی پێست و زۆرجار ئەو چارەسەرانەی بۆ زوو چاكبوونەوەی برینداری و سووتاوی بەكاردەهێنرێت پێكهاتەكەی ڤیتامین E لەگەڵ ڤیتامین C و ماددەی زینكی تێدایە.


4. شێداركردنی پێست: لەماوەی دوو بۆ چوار هەفتە لەبەكارهێنانی دەرەكی ڤیتامین E  ئەنجامەكانی دەردەكەوێت.


5. كەمكردنەوەی كاریگەری تەقین و چرچبوونی پێست: دەبێت كرێمی ڤیتامین E بدرێت لەپێستەكەو دوای 30 خولەك بشۆرێت.


6. بەدەستهێنانی نینۆكی بەهێز: نوقمكردنی نینۆك بۆ ناو ئاوی شلەتێن كە ڤیتامین E تێكەڵ كرابێت بۆ ماوەی 10 خولەك و دووبارەكردنەوەی ئەو پرۆسەیە پێنج جار لەهەفتەیەكدا دەبێتە هۆی بەدەستهێنانی نینۆكی بەهێز.


7. شێداركردنی لێوی ووشك و قڵیشاو: لێدانی كرێمی ڤیتامین E بەراستەوخۆ لەلێو بە بەردەوامی بەسوودە بۆ رزگاربوون لەو كێشەیە.


راگەیاندنی تەندروستی سلێمانی


زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×