نەخۆشی دەردەشاهانە چیە؟
  2019-05-07     

نەخۆشییەكە لە ئەنجامی کۆبونەوەی (یوریک ئەسید) ەوە دروست دەبێت لە جومگەکاندا بەتایبەت لە جومگەی پەنجە گەورەی قاچدا، بەھۆی زیندە چالاکییەكانەوە كە لە لەشدا ڕوودەدات.
كەواتە هۆی ڕوودانی ئەم حاڵەتە بۆ ئەوە دەگەڕێتەوە کاتێک کەسێک پرۆتین دەخوات ئەم پرۆتینە لە کۆتایدا دەبێت بە یوریک ئەسید و ئەمەش دەبێت بكرێتە دەرەوەی لەش، بەڵام ناتوانرێت بچێتە دەرەوەی لەش و هەربۆیە ئەم حاڵەتە ڕوو دەدات لەبەرئەوەی رێژەی یوریک ئەسیدەكە لە لەشدا زۆر دەبێت و لە نێوان جومگەكاندا كۆدەبێتەوە.

نیشانەکانی نەخۆشییەكەش بریتین لە، دروستبوونی ھەڵئاوسان و سوربوونەوەی جومگەكان لەگەڵ دروستبوونی ئازارێكی زۆر لەنێوانی جومگەكانداو دروستبوونی هەوكردن تێیاندا.
چۆنێتی خۆپاراستنی ئەو كەسانەی كە تووشی ئەم گرفتە تەندروستییە بوون؟

-ئەوانەی ئەم نەخۆشییەیان ھەیە دەبێت دووربکەونەوە لە خواردنی ئەم خۆراكانە ئەوانیش( گۆشتی سوور و مریشک )ن چونکە ئەم خواردنانە رێژەیەکی زۆری پرۆتینیان تێدایە بەمەش رێژەی یوریک ئەسید بەرز دەبێتەوە و نەخۆشییەکە زۆرتر خۆی دەنوێنێ.

نەخۆشی دەردە شاهانە بەشێوەیەكی گشتی زیاتر لە ڕەگەزی نێردا دەردەکەوێت وەك لە ڕەگەزی مێ دا، هەروەها ئەو کەسانەشی کە كێشیان زۆرە واتە قەلەون لەگەڵ ئەوانەی كە ڕێژەیەكی زۆر كهول و مەی دەخۆنەوە ئەگەری توشبوونیان بەم نەخۆشییە زیاترە.

راگەیاندنی تەندروستی سلێمانی


زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×