ئەمریکا بەکارهێنانی ڤاکسینی فایزەری بۆ نەوجەوانان پەسەند كرد
  2021-05-11     
بەرێوەبەرایەتی خۆراک‌و دەرمانی ئەمەریکا (FDA) ڤاکسینی دژ بەکۆڤید-19ی کۆمپانیای دەرمانسازی فایزەر-بایۆنتێکیان بۆ نەوجەوانانی تەمەن 12 بۆ 15 ساڵانیش پەسەند کرد.

ئاوێنه‌: جانێت ودکۆک، به‌رپرسی‌ بەرێوەبەرایەتی خۆراک‌و دەرمانی ئەمریکا ڕایگەیاند، ئەو ڤاکسینە سەلامەت‌و کاریگەرە بۆ نەوجەوانانی تەمەن 12 بۆ 15 ساڵان. ڤاکسینەکە پێشتر بۆ کەسانی 16 ساڵ‌و سەروتر پەسەند کرابو.

ڕاشیگەیاندووه‌، "هەنگاوەکەی ئەمڕۆ بۆ پاراستنی نەوجەوانان لەکۆڤید-19 نزیکترمان دەکاتەو لەگەڕانەوە بۆ دۆخی ئاسایی‌و کۆتاییهاتن بەپەتاکە."

ڤاکسینەکەی ڤایزەر یەکەم ڤاکسینە لەویلایەتەیەکگرتووەکانی ئەمریکا بۆ نەوجەوانان پەسەند بکرێت. پەسەند کردنی ئەم ڤاکسینە لەکاتێکدایە کاربەدەستانی ئەمریکا هەوڵدەدەن زۆرترین کەس لەوڵاته‌كه‌یان دژ بەڤایرۆسەکە بکوترێن‌و ئەم هەنگاوەش ڕەنگە ببێتە هۆی کوتانی ملیۆنان خوێندکاری ناوەندی‌و دواناوەندی بەر لەدەستپێکردنەوەی ساڵی نوێی خوێندن لەپایزی ئەم ساڵ.

شارەزایانی تەندروستی دەڵێن لەکاتێکدا منداڵان خۆیان بەتوندی توشی ڤایرۆسی کۆرۆنا نابن‌و لەهەندێک باردا ڕەنگە هەر هەستیشی پێنەکرێت، بەڵام ڤایرۆسەکە بۆ کەسانی تر دەگوازنەوە.

لەمانگی سێدا کۆمپانیای فایزەر ئەنجامە بەراییەکانی تاقیکردنەوەی ڤاکسینەکەی لەسەر زیاتر لە 2 هەزار نەوجەوانی 12 بۆ 15 ساڵ بڵاوکردەوە. بەپێی ئەو ئەنجامانە هیچ کام لەوانەی بەتەواوەتی ڤاکسینەکەیان وەرگرتبو توشی کۆرۆنا نەبون و کەسیشیان کێشەیەکی ئەوتۆیان بەهۆی ڤاکسینەکەوە بۆ دروست نەبووە.
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×