2021-02-23 2608
رۆژی دوشەممەی داهاتو یەکەم کاروانی ڤاکسینی کۆرۆنا لەچینەوە دەگاتە عێراق. وەزیری تەندروستی‌و ژینگەی عێراق-یش ده‌ڵێت، پێكوتەكە لەهەموو پارێزگاكانی عێراق بێبەرامبەر بەهاوڵاتیان دەدرێت.
ئاوێنه: حەسەن تەمیمی، وەزیری تەندروستی‌و ژینگەی عێراق بەئاژانسی هەواڵی فەرمی عێراقی راگەیاندووه، رۆژی دوشەممەی داهاتو 2021/03/01 یەکەم کاروانی ڤاکسینی کۆرۆنا لەچینەوە دەگاتە عێراق. وتیشی، پێكوتەكە لەهەموو پارێزگاكانی عێراقدا بێبەرامبەر بەهاوڵاتیان دەدرێت.
لەبارەی بەرزبونەوەی رێژەی توشبون بەكۆرۆنا، وەزیری تەندروستی عێراق وتی، "ئێمە لەبەرزبونەوەی رێژەی توشبونی منداڵان بەڤایرۆسی كۆرۆنا نیگەرانین. سەرجەم بڕیارەكانی تایبەت بەكۆرۆناش دور لەلایەنی سیاسی دەگیرێنەبەر."