قائیمقامیه‌تی سلێمانی بەکارهێنانی جۆرێکی دەرمان قەدەغە دەکات
  2021-01-26     
قائیمقامیه‌تی سلێمانی رایگەیاند، له‌سه‌ر سكاڵای هاوڵاتیان ده‌ست به‌سه‌ر بڕێك ده‌رمانی نایاسایدا گیراوە کەتایبەت بە زیادکردن یان کەمکردنەوەی کێشی جەستە و له‌ڕیگه‌ی په‌یجه‌كانی تۆڕی كۆمه‌ڵایه‌تی و به‌شێوه‌ی ئۆنلاین به‌هاوڵاتیان ده‌فرۆشرێت، نوێنه‌ری ته‌ندروستی سلێمانیش داوا له‌ هاوڵاتیان ده‌كات ئه‌و جۆره‌ ده‌رمانانه‌ به‌كارنه‌هێنن.

ئاوێنە: د. په‌رست نه‌قشبه‌ندی، پزیشكی ده‌رمانساز و نوێنه‌ری به‌ڕێوه‌به‌رایه‌تی ته‌ندروستی له‌لیژنه‌ هاوبه‌شه‌كانی قائیمقامیه‌تی سلێمانی رایگه‌یاند، له‌سه‌ر سكاڵای هاوڵاتیان، لیژنه‌كانی قائیمقامیه‌ت ده‌ستیان به‌سه‌ر بڕێك ده‌رمانی زیادكردن و كه‌مكردنه‌وه‌ی كێشدا گرتوه‌ كه‌به‌شێوه‌یه‌كی نایاسایی هاو‌رده‌ی شاری سلێمانی كراوه‌، جەختیش دەکاتەوە به‌كارهێنانی ده‌رمان پێویسته‌ له‌لایه‌ن‌ پزیشكی تایبه‌تمه‌نده‌وه‌‌ دیاری بكرێت و له‌ ده‌رمانخانه‌ فه‌رمییه‌كان بكڕدرێت وه‌هه‌روه‌ها پزیشكی ده‌رمانساز شێوازه‌كه‌ی بۆ نه‌خۆشه‌كان رونبكاته‌وه‌، پاشان به‌كاربهێنرێت.

ئاماژەی بەوەشکردوە، ئه‌و ده‌رمانانه‌ی له‌ڕیگه‌ی په‌یجه‌كانی تۆڕی كۆمه‌ڵایه‌تی و به‌شێوه‌ی ئۆنلاین به‌هاوڵاتیان ده‌فرۆشرێت نایاساییه‌ چونكه‌ له‌گه‌ڵ ئه‌وه‌ی نازانرێت پێكهاته‌كه‌ی چییه‌، ئه‌و ده‌رمانانه‌ به‌سه‌رچون و شێوازی به‌كارهێنانه‌كه‌شی هه‌ڵه‌یه‌، هه‌رله‌به‌ر ئه‌مه‌ش له‌ڕێگه‌ی ته‌له‌فۆنه‌وه‌ ده‌گه‌یه‌نرێته‌ ده‌ستی كڕیاره‌كان، كه‌ئه‌مه‌ش زیان به‌ته‌ندروستی ئه‌و كه‌سانه‌ ده‌گه‌یه‌نیت‌.

د. په‌رست نه‌قشبه‌ندی ئەوەشی خستوەتەڕو، لیژنه‌كان به‌وردی به‌دواداچونیان كردوه‌ و ده‌ركه‌وتوه‌ ئه‌و كۆگای عه‌مباركردنی ئه‌و جۆره‌ ده‌رمانانه‌ له‌شاری سلێمانی بونی نیه‌. به‌ڵكو له‌شاره‌كانی دیكه‌ی هه‌رێم و عێراقه‌وه‌ به‌شێوه‌ی قاچاغ و به‌ڕێژه‌ی كه‌م هاورده‌ ده‌كرێت به‌هاوڵاتیانی شاری سلێمانی ده‌فرۆشرێت، بۆیە داوا له‌هاوڵاتیان دەکەن بۆ زیادكردن یان كه‌مكردنه‌وه‌ی كێش، جوانكاریی و به‌هێزی جه‌سته‌ یان هه‌رجۆره‌ نه‌خۆشییه‌كی دیكه‌ له‌و جۆره‌ ده‌رمانانه‌ به‌كارمه‌هێنن چونكه‌ زیان به‌ته‌ندروستی خۆیان ده‌گه‌یه‌نن.
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×