دهۆك، 22ی كانونی دوهمی 2021، ئیڤان فائق وهزیری كۆچ و كۆچبهرانی عیراق لهناو خێوهتی خێزانێكی ئاوارهدا له شێخان فۆتۆ: راگهیاندنی وهزارهت
حكومهتی فیدراڵی
عیراق، لهرێی لیژنهیهكهوه له هۆكارهكانی "خۆكوشتنی هاوڵاتیانی ئاواره"ی
ئێزیدی دهكۆڵێتهوه.
ئاوێنە، كەركوك ناو: ئیڤان فایەق جابرۆ، وهزیری كۆچ و كۆچبهرانی
عیراق دوێنێ ههینی له سهردانێكدا بۆ قهزای شێخان دهستپێكردنی كاری لیژنهیهكی
بۆ بهدواداچونی دۆسیهكانی "خۆكوشتن" راگهیاند و له كێشهی ئاوارهكانی
كهمپێكی نێو قهزاكهیشی پرسییهوه.
ئهسكهندهر
محهمهد ئهمین، لێپرسراوی فهرمانگهی كۆچ و كۆچبهران له دهۆك به (كهركوك
ناو)ی وت "سهردانی بۆ دو مهبهست بو، یهكێكیان بههۆی زیادبونی حاڵهتهكانی
خۆكوشتن لهنێو ئاوارهكاندا و بۆ بهدواداچونی هۆكارهكانی بهوپێیهی لیژنهیهكی
تایبهتیان پێكهێناوه".
وتیشی، وهزیر
له دیبهتێكی تایبهت بهو پرسهشدا بهشداری كردوه و ئامادهیی خۆی دهربڕیوه
بۆ ههمو هاوكارییهك به ئامانجی چارهسهری ئهو كێشانهی دهبنه هۆی زیادبونی
رێژهی "خۆكوشتن" لهناو ئاوارهكاندا.
بەپێی ئامارێكی
قایمقامیەتی شنگال – لە پارێزگای دهۆك جێگیربون- لە دوای هێرشی داعش بۆ شنگال لە 3ی
ئابی 2014ەوە 250 ئێزیدی لەناو كەمپەكانی ئاوارەییدا بە فیشەك و بە پەت گیانیانلەدەستداوە
كە زۆرینەیان لە رەگەزی مێ بون.
بەڵام ئامارەكانی
سەرەتای ئەمساڵ مەترسیدارتر دەردەكەون، بەهۆی ئەوەی تەنیا لە هەفتەی یەكەمی ساڵی
نوێدا، پێنج كەس بە فیشەك و خنكان بە پەت مردون، كە چواریان لە رەگەزی مێ بون، ئەوەش
بەپێی ئامارێكی رێكخراوی داک بۆ گهشهپێدان كە لەناو كەمپەكاندا كاردەكەن.
بهپێی بهیاننامهیهكی
وهزارهتی كۆچ، لیژنهی بهدواداچونی هۆكارهكانی "خۆكوشتن" به بڕیاری
سهرۆكایهتی ئهنجومهنی وهزیران پێكهێنراوه، به ئامانجی سهردانیكردنی كهمپهكانی
ئاوارهیی و دۆزینهوەی چارهسهر.