هۆکاری گیانلەدەستدانی گەنجان بەپەتای کۆڕۆنا چییه‌؟
  2020-11-13     
لە سەرەتای سەرهەڵدانی ڤایرۆسی کۆڕۆنا وامان ئەزانی کۆڕۆنا تەنها کاریگەری لەسەر کەسانی بەساڵاچوو دەکات بەڵام ئێستا وا دیار نیە، ڕۆژانە نەخۆشی گەنج گیرۆدەی پەتاکە دەبن و بەداخەوە هەندێکیان گیان لەدەست ئەدەن.
گرنگترین ئەو هۆکارانەی دەبنە هۆی تێکچونی تەندروستی گەنجان و گیان لەدەستدانیان بەهۆی ئەم ڤایرۆسە بریتین لە:
١) هەندێک لەو نەخۆشە گەنجانە خۆیان نەخۆشی درێژخایەنیان هەیە وەکو شەکرە و زەخت و نەخۆشی دڵ و شێرپەنجەکان بەمەش نەخۆشیەکەیان لەسەر قورستر ئەبێ
٢)سترێس و دڵەڕاوکێ و تۆقین لە کۆڕۆنا هۆکارێکی زۆر دیارە لە گەنجان، چونکە سترێس هۆڕمۆنی کۆرتیزۆڵ زیاددەکات کە بەرگری لەش دائەبەزێنێ، ترسی لەڕادەبەدەر خوێن خەست ئەکاتەوە و ڕێژەی دی دایمەر (D DIMER) لە خوێنا زیاددەکات کە مەترسی جەڵتەی سیەکان زیاددەکات، هەروەها هەموو کەسێک کاتێک زۆر ئەترسێ شپرزه ئەبێ و هەناسەی زۆر توند ئەبێ و جەستەی هاوکاری ناکات بۆ سوود وەرگرتن لە چارەسەرە دەرمانیەکان.
٣) زۆرێک لەو گەنجانە دوای تووشبونیان بە ڤایرۆسی کۆڕۆنا خۆیان فەرامۆش ئەکەن و درەنگ دێن بۆ نەخۆشخانە بەمەش هەوکردنەکە زیاتر تەشەنە دەکات و ئیتر سوود لە پلازما و چارەسەرە تایبەتەکانی کۆڕۆنا نابینن.
٤)دەستنیشان کردنی هەڵە ( ئەمە گرانەتایە یان پەتای وەرزیە! ) و هەروەها وەرگرتنی چارەسەری هەڵە لەڕێگای سۆشیاڵ میدیاوە بۆ کۆڕۆنا هۆکارێکی تری خراپ بوونی تەندروستی ئەو کەسانەیە چونکە هەموو نەخۆشێک تایبەتمەندی خۆی هەیە و لە کەسێکی تر ناچێ بۆ وەرگرتنی چارەسەر.
٥) پڕبوونی نەخۆشخانە حکومیەکان و نەمانی شوێن لە بەشی چاودێری وورد هۆکارێکی گرنگە کە ناتوانین ژیانی گەنجان ڕزگار بکەین.
٦)هۆکاری بۆماوەیی لەوانەیە ڕۆڵی هەبێ لە قورسبوونی حاڵەتەکە لەسەر هەندێ گەنج، تێبینی ئەوە کراوە هەندێ جار هەموو ئەندامانی یەک خێزان بە قورسی نەخۆشیەکە ئەگرن و خێزانێکی تر بەسووکی نەخۆشیەکە تێدەپەڕێنن.

بەئومێدی تەندروستیەکی باش بۆ هەموو لایەک


د.داهات حەوێزی 
بەڕێوەبەری نەخۆشخانەی جمهوری سلێمانی تایبەت بەکۆڕۆنا
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×