2020-10-11 2737
بڕیارە
لە ڕۆژی پێنجشەممە ١٥\١٠\٢٠٢٠ وەشانی
نووسیار ڕێوڕەسمی دابەشکردنی خەڵاتی نووسیار بۆ کتێبی یەکەم ئەنجام بدات، کە
تیایدا براوه و لیژنەی هەلەسنەگاندن ئامادە دەبن.
ئەمەش
لە دوای ئەوەی ئەم ساڵ خەڵاتی نووسیار بۆ کتیبی یەکەم لە مانگی ٩ هەرسێ براوەکانی
شیعر، چیرۆک، ڕۆمان ئاشکرا کرد ئەوانیش بریتیبوون لە : نەورەس محەمەد بۆ کۆمەڵە
شیعری (شقارتە). جێگر بەختیار بۆ کۆمەڵە چیرۆکی (ژاوەژاو). کیاکسار ئەحمەد بۆ
ڕۆمانی (بەرەو ڕێگەی درەوشانەوە).
خەڵاتی
نووسیار بۆ کتێبی یەکەم ٢٠٢٠ پێکهاتووە لە
چاپ و بڵاوکردنەوەی تەواوەی بەرهەمی کتێبی براوەکان، پێدوانی بڕوانامەی نووسیار،
هەروەها دیاری پارچە سیرامیکی خەڵاتی نووسیار بە براوەکان.
ئەم
خەڵاتە ساڵانە وەشانی نووسیار ئەنجامی دەدات بۆ ئەو نووسەرانەی کە پێشتر هیچ
کتیبێکیان چاپ و بڵاو نەکرۆدتەوە. ئەمەش لەڕێی هەڵسەنگاندنی بەرهەمەکان لەلایەن
لیژنەی هەڵسەنگاندن. خوڵی یەکەمی ئەمساڵ بە ناوی شاعیر محەمەد عومەر عوسمان ناسراو بە ژەنەڕاڵی پایز بوو.
ڕۆژ:
پێنجشه‌ممه ١٥\١٠\٢٠٢٠
كات:
٤:٠٠ی ئێواره
شوێن:
كافێی به‌هار لاونچ، پشت كتێبخانه‌ی سلێمانی