هۆکارەکانی زیادبونی گیانلەدەستدان بە کۆرۆنا لە سلێمانی
  2020-10-09     

د.داهات حەوێزی، پزیشکی پسپۆری هەناوی و بەڕێوەبەری نەخۆشخانەی جمهوری سلێمانی

زۆر هۆکار هەن بۆ زیادبونی ڕێژەی مردنی کۆڕۆنا لەکاتی ئێستادا لە شاری سلێمانی، بەشێک لەو هۆکارانە:

-ئەوەی باس ئەکرێ کە ڕێژەی مردن لەشاری سلێمانی ٥٪ە و لە شارەکانی تر ۳٪ە پەیوەندی بەوەوە هەیە کە لە سلێمانی هەمو نەخۆشێک کە نیشانەی کۆڕۆنای هەبێ و بمرێت لەسەر کۆڕۆنا حساب ئەکرێ تەنانەت ئەگەر فەحسی لوتەکە (nasal swab PCR)ی نەکردبێ یان نێگەتیڤ بێ، ئەوەنەی زانیاریم هەبێ لە شارەکانی تر تەنها ئەوانە ئەخەنە ئاماری مردنەوە کە فەحسی لوتەکەیان پۆزەتیڤە.

-ژمارەیەکی زۆر لەوانەی کە لە سلێمانی وەفات ئەکەن هی شارەکانی دەرەوەی سلێمانی و تەنانەت دەرەوەی هەرێمیشن.

-بەداخەوە هاوڵاتیان زۆر ساردبونەتەوە لە پابەندبون بە بەستنی ماسک ئەمەش ڕێژەی توشبون و ڕێژەی مردن زیاددەکات.

-زۆرێک لە خەڵکی تا کاتێکی درەنگ دوای نەخۆش کەوتنیان سەردانی پزیشک و نەخۆشخانەکان ناکەن بەو حسابەی کە ۱٤ ڕۆژ تەواوبکەن ڤایرۆسەکە خۆی نامێنێ، ئەوەش ڕاست نیە چونکە ئەگەر کەسەکە نەخۆشیەکە بەقورسی بگرێت بەتایبەتی ئەگەر هەناسەتوندی و کۆکەی زۆرو دابەزینی ئۆکسجینی لەشی لەگەڵا بێت پێویستە زو چارەسەری دەرمان و پلازما وەرگرێ پێش ئەوەی کار لەکاربترازێت، نەخۆشی وا هەیە دو مانگ لە نەخۆشخانە ماوەتەوەو نەخۆشی واش هەیە لە دوانزەمین ڕۆژدا حاڵی خراپ بوە.

-ئەو کەسانەی کە بەرکەوتنیان لەگەڵ کەسێکدا هەیە کە زۆر بە قورسی نەخۆشیەکەیان گرتوە، لەوانەیە ئەوانیش بەو قورسیە توشی نەخۆشیەکە بن ئەویش بەهۆی جۆری ڤایرۆسەکەو خەستی ڤایرۆسەکە کە ئەچێتە لەشیانەوە، بۆیە پێویستە زو پشکنینی خوێن و ئەشیعە بگرن بۆ وەرگرتنی چارەسەری گونجاو.

-زۆربەی ڕۆژ لە نەخۆشخانە حکومیەکان شوێنی داخڵکردنی نەخۆش و بێدی چاودێری ورد نەماوە بۆیە پێویستە لەمەولا نەخۆشخانە ئەهلیەکانیش ناچاربکرێن نەخۆشی کۆڕۆنا وەرگرن.

-کەسانی گەنج کە توشی کۆڕۆنا ئەبن کەمتەرخەمی ئەکەن لە وەرگرتنی چارەسەرو خۆیان ئیهمال ئەکەن بەبیانوی ئەوەی کە کۆڕۆنا تەنها بە کەسانی پیر ئەوێرێت، بەداخەوە ئەم ڤایرۆسە گەنج و پیر ناناسێ!

ئەگەر پابەندبین پشت بەخوا ڕێژەی توشبون و مردن کەم ئەکەینەوەو ئەگەڕێینەوە ڕۆژە ئاساییەکان.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×