"تا ئێستا لێكۆڵینەوەیەكی زانستی نەكراوە لەسەر پیسبونی ژینگەی هەرێمی كوردستان"
  2019-04-26     

چالاكی بواری ژینگە، شوان مەعروف رایدەگەیەنێت تا ئێستا لێكۆڵینەوەیەكی زانستی نەكراوە لەسەر پیسبونی ژینگەی هەرێمی كوردستان، پێشی وایە ئەنجامنەدانی ئەو لێكۆڵینەوەیە بەهۆی نەبونی ئامێری پێویستە، دەشڵێت "تێكەڵ بونی فاست‌و مادە پاككەرەوەكانی دیكە بە ئاو گەورەترین مەترسین بۆ سەر ژینگە".

ئاوێنە: شوان مەعروف، چالاكی بواری ژینگە‌و شارەزای ژینگە بە ئاوێنەی راگەیاند پیسبونی ژینگە تەنها تایبەت نیە بە ناوچەیەك بەڵكو دیاردەیەكی جیهانیە‌و لەرێگەی ئاو هەوا پیسبونی ژینگە لە شوێنێكەوە دەگوازرێتەوە بۆ شوێنێكی دیكە، باس لەوەش دەكات بونی هەمو ئەو كارگە پیشەسازییانەی هەرێمی كوردستان‌و پاشەرۆی ماڵان‌و كارگەكان كاریگەریی راستەوخۆیان هەیە لەسەر پیسكردنی ژینگە.

لەوەڵامی ئەو پرسیارەی ئایا ژینگەی هەرێم پیسبوە یاخود نا؟، ئەو وتی "من ناتوانم وەڵامی ئەو پرسیارە بدەمەوە، چونكە تا ئێستا لێكۆڵینەوەیەكی زانستی نەكراوە لەسەر پیسبونی ژینگەی هەرێمی كوردستان، من پێموایە ئەنجامنەدانی ئەو لێكۆڵینەوەیە بۆ ئەوە دەگەرێتەوە كە وەك پێویست ئامێری تایبەت بەو بابەتە لەبەردەست نیە لەكوردستان".


باس لەوەش دەكات كاتێك بابەتەكانی پاككەرەوەی وەك فاست‌و زاهی‌و هەندێد مەوادی كیمیاوی دەرژێنە ئاوەرۆكانەوە‌و لەوێشەوە تێكەڵ بە روبار‌و دەریاچەكان دەبن كاریگەریی مەترسیداری دەبێت بەتایبەت بۆ بەرهەمهێنانی سەوزە‌و سامانی ماسی كە لەروی زانستیەوە ئەو مادە كوشندانە دەبنە بەشێك لەپێكهاتەی بەرهەمەكان‌و دواجاریش دەچنەوە ناو جەستەی مرۆڤ‌و كاریگەیی راستەوخۆ لەسەر تەندروستی دروست دەكەن.


زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×