2020-09-29 2769
لەچەند مانگی ڕابردوداو دوای بڵاوبونەوەی ڤایرۆسی كۆرۆنا لەجیهان، زانایان‌و پسپۆڕان لەوردەكاریی و كاریگەرییەكانی ئەو ڤایرۆسە دەكۆڵنەوەو بەپێی لێكۆڵینەوەیەك دەركەوتووە كۆرۆنا كاریگەری درێژخایەن لەسەر ژنان بەجێدەهێلێت.
هەرچەندە بەپێی لێكۆڵینەوەكانی پێشوتر دەركەوت ڤایرۆسی كۆرۆنا كاریگەری لەسەر توشبووان بەجێدەهێڵێت تەنانەت لەدوای چاكبونەوەیان و پلەی ئەو كاریگەرییە لەكەسێكەوە بۆ یەكێكی تر دەگۆڕێت، بەپێی لێكۆڵینەوەیەكی نوێ دەركەوتووە كۆرۆنا كاریگەری درێژخایەنی هەیە بەتایبەت لای ژنان بەبێ ڕەچاوكردنی ئاستی توشبونەكەیان.
لەلێكۆڵینەوەیەكی نوێدا كه لەئیرلەندا ئه‌نجامدراوه لەسەر 128 توشبوی كۆرۆنا لەنەخۆشخانەی سانت جەیمس لەشاری دبلن دەركەوتووە لە67%ی ژنانی توشبو بەدەست هەستكردن بەهیلاكبونەوە ناڵاندوویانە تەنانەت لەدوای تێپەڕبونی دە هەفتە بەسەر چاكبونەوەیاندا.
ئا: كارزان عەبدوڵا
سەرچاوە/ العربیه.نت
ڕاگەیاندنی تەندروستی سلێمانی