ئەمشەو دوشەممە، هونەرمەند سابیر كوردستانی، بەهۆی توشبونی بە نەخۆشی
كۆرۆنا كۆچی دوایی كرد.
ئاوێنە: هونەرمەند محەمەد رەئوف كەركوكی، هاوڕێی سابیر كوردستانی، لەلاپەڕەی
خۆی لە فەیسبوك هەواڵەكەی پشتڕاستكردۆتەوەو وتوشیەتی: هونەرمەندی گەورەو هاوڕێم
سابیر كوردستان بە پەتای كۆرۆنا كۆچی دوایی كرد.
هونەرمەند سابیر كوردستان لەساڵی 1955 لە شاری كەركوك لەدایكبوە.
ژیانی هاوسەری پێكهێناوەو خاوەنی سێ كچ و كوڕێكە.
بۆ یەكەمجار لە قوتابخانەی ئیمام قاسم لە شاری كەركوك لە بۆنەیەكدا گۆرانی
وتوە.
ساڵی 1971 یەكەم گۆرانی لە كەناڵی تەلەفزیۆنی كەركوك تۆماركردوە.
لەساڵی 1972 گۆرانییەكی دیكەی لە ئێزگەی دەنگی كوردی لە بەغدا تۆماركرد.
سابیر كوردستان ساڵانێكی زۆرە لە بواری گۆرانی و ئاوازو تێكست خزمەت بە
گۆرانی و هونەری كوردی دەكات و خاوەنی چەندین ئەلبومی گۆرانییە.