2020-07-21 2855
لەگەڵ ئەوەی هاوڵاتیانی هەرێمی كوردستان دڵخۆشن بە گەیشتنی دەرمانە ڕووسییەكەی كۆرۆنا، بەڵام باس لەوەدەكرێت لە ئێستادا دەرمانەكە لە نەخۆشخانەكانی سلێمانیدا بوونی نیەو لە بازاڕەكاندا دەفرۆشرێت.
ئاوێنه: لەسەر ئەو پرسە، د. یاد نەقشبەندی وتەبێژی بەڕێوەبەرایەتی تەندروستی سلێمانی بە ڕۆژنامەنووسانی ڕاگەیاند: ئێمە هەر بڕیارێك لەسەر كڕینی دەرمان بدەین، دەبێت لەسەر داوای پزیشكی پسپۆڕ بە بوارەكەبێت و هەركات ئەوان داوایان كرد ئێمەش بە فەرمی داوای دەرمانەكە دەكەین.
هەروەها ئەوەشی خستەڕوو: لە ئێستادا ئەو دەرمانە بۆ چەند كەسێك بەكارهاتووە كە خۆیان پەیدایان كردوەو ئەنجامەكەشی تا ئێستا یەكلایی كەرەوە نەبووە.
جێگەی باسە یەكێك لەسەرەتاییترین خزمەتگوزارییەكانی هاوڵاتیان دابینكردنی دەرمان و چارەسەری پزیشكیە، بەڵام هاوڵاتیان لەكاتی سەردانیان بۆ نەخۆشخانەكان بەشێك لە دەرمانەكانیان پێنادرێت و ناچار لە دەرەوە بە پارەیەكی زۆر دەیكڕن.