ڤاکسینێکی چینیی دژەکۆڕۆنا، لە ئیماڕات، لە قۆناغی کۆتایی لەسەر مرۆڤ تاقیدەکرێتەوه
  2020-07-16     

د. عیسا ئال عیسا، پزیشکی دەرمانساز لە دامەزراوەی کۆنتڕۆڵی جۆریی دەرمان

کۆمپانیای سینۆفاڕمی چینی، قۆناغی سێیەمی تاقیکردنەوە کلینیکییەکانی ڤاکسینەکەی، ڤاکسینی دژەکۆڕۆنا، لە ئیماڕاتی عەڕەبی، بەبەشداری ١٥ هەزار خۆبەخش لە نەتەوەی جیاواز، لەنێوان تەمەنی ١٨ - ٦٠ ساڵ، دەستپێکرد.

سینۆفاڕم بە هەماهەنگی لەگەڵ گروپی " G42"ی ئیماڕاتی و تەندروستیی ئەبوزەبی، قۆناغی سێیەمی تاقیکردنەوە کلینیکییەکانی ڤاکسینی دژەکۆڕۆنایان دەستپێکرد.
لە تاقیکردنەوەکەدا؛ دو شریتی ڤاکسین لەگەڵ پلاسیبۆ بەراورددەکرێن، بەشێک لە خۆبەخشەکان دو ژەمی ڤاکسینیان لە سێ هەفتە بەجیا لێدەدرێت، بەشەکەی دیکەش پلاسیبۆیان لێدەدرێت، ئینجا خۆبەخشەکان بۆ ماوەی یەک ساڵ چاودێریدەکرێن.

خۆبەخشەکان لە ماوەی ٣ - ٦ مانگدا ناونوسدەکرێن و دەنێردرێن بۆ بەشداریکردن لە تاقیکردنەوەکە، کە تەمەنیان لەنێوان ١٨ - ٦٠ ساڵیدا دەبێت، خۆبەخشەکان نابێت هیچ نەخۆشییەکی جەستەییان هەبێت، نابێت پێشتر توشی کۆڤید١٩ بوبن.

کۆمپانیای سینۆفاڕم، بەهەماهەنگی لەگەڵ پەیمانگای پەکین بۆ بەرهەمە بایۆلۆجییەکان، ڤاکسینێکیان لەسەر پلاتفۆڕمی "ڤایڕۆسی لاوازکراو"، دروستکردوە، ڤاکسینەکە لە قۆناغی یەکەم و دوەمی تاقیکردنەوە کلینیکییەکان؛ سەلامەتبوە، هەروەها کاریگەربوە و دژەتەنی دژی کۆڕۆنا لەناو خوێنی خۆبەخشاندا دروستکردوە.

کۆمپانیاکه بۆیە ئیماڕاتی هەڵبژاردوە، چونکە ئیماڕات زیاتر لە ٢٠٠ نەتەوەی جیاوازی تێدادەژین. ئیماڕات تاوەکو ئێستا لەکۆی ٩.٦ ملیۆن کەسی ژمارەی دانیشتوان نزیکەی ٤ ملیۆن پشکنینی کۆڕۆنای کردوە. کۆی توشبوانی ئیماڕات ٥٦ هەزار کەسە و لەنێویاندا ٣٣٥ مردن هەیە.

 

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×