وەزارەتی تەندروستی: چاوەڕواندەکرێت لەم ھەفتەیەدا دەرمانی چارەسەری کۆرۆنا بگاتە ھەرێم
  2020-06-26     

وتەبێژی وەزارەتی تەندروستی حکومەتی ھەرێمی کوردستان پێشبینی دەکات لەم ھەفتەیەدا دەرمانی چارەسەری ڤایرۆسی‌ کۆرۆنا بگاتە ھەرێمی کوردستان.

ئاوێنه‌: محەمەد قادر، وتەبێژی وەزارەتی تەندروستی بەمیدیای‌ پارتی‌ ڕاگه‌یاندووه‌، وەزارەتی تەندروستی عێراق سەرقاڵی کڕینی دەرمانی چارەسەری پەتای کۆرۆنایەو بۆ ئەو مەبەستە قسەی لەگەڵ کۆمپانیای ناوخۆیی و بیانیی کردوە، دوای گەیشتنی و دەرچونی لەکوالێتی کۆنتڕۆڵی جۆری دەرمان و پەسندکردنی، بەشێکی دەرمانەکە بۆ ھەرێمی کوردستانیش ڕەوانە دەکات.

وتیشی، دەرمانەكە بەشێوەی حەبەو لەڕوسیا بۆ چارەسەرکردنی پەتای کۆرۆنا بەکارھاتووەو تا ڕادەیەکی باش ڕۆڵی ھەیە لەخێراکردنی چارەسەرکردنی توشبووانی کۆرۆنا کە تەندروستییان مامناوەندو خراپە، یان نەگەیشتونەتە ئاستی بەکارھێنانی ھەناسەدانی دەستکرد.

چه‌ند ڕۆژێك له‌مه‌وبه‌ر به‌رپرسانی‌ ته‌ندروستی‌ ڕوسیا ڕایانگه‌یاند كه‌ دەرمانی (ئەڤیفاڤیر) بۆ توشبووانی كۆرۆنا بەكاردەهێنرێت، دەرمانەكە لەساڵی 1995وە لەلایەن یەكێك لەكۆمپانیا ژاپۆنیەكانەوە بەرهەمهێنراوە، بەڵام ئێستا ڕوسیا گەشەی بەو دەرمانە داوەو بۆ چارەسەركردنی توشبووانی كۆرۆنا بەكاریدەهێنێت.

بەوتەی پزیشكانی ڕوسیی، ئەو دەرمانە كاریگەرییەكی زۆر باشی هەیە لەسەر توشبووانی كۆرۆناو هەندێكیان لەبری 14 ڕۆژ لەماوەی چوار ڕۆژدا چاكبونەتەوە ڕێژەی لەسەدا 90ی ئەو توشبووانەش كە دەرمانەیەكەیان بەكارهێناوە لەماوەیەكی كەمدا چاكبونەتەوە.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×