عێراق.. یەكەم حاڵەتی توشبوون بە ئەنفلوەنزای باڵندە تۆماركرا
  2020-05-16     

وەزارەتی كشتوكاڵی عێراق، تۆماركردنی یەكەم حاڵەتی تووشبوون بە ئەنفلوەنزای باڵندە-ی لە كێڵگەیەكی پەلەوەریی پارێزگای نەینەوا راگەیاند.

لەوبارەوە وتەبێژی وەزارەتی كشتوكاڵی عێراق، حەمید نایف راگەیەندراوێكی بڵاوكردەوە و تیایدا ئاماژەی بەوەداوە كە فەرمانگەی ڤێتێرنەری سەر بە وەزارەتی كشتوكاڵ، یەكەم حاڵەتی تووشبوون بە ئەنفلۆنزای باڵندە “H5N8″ی لە یەكێك لە كێڵگە پەلەوەرییەكانی بەرهەمهێنانی هێلكە لە پارێزگای نەینەوا تۆماركردووە.

ئاماژە بەوەیشدراوە كەدەستبەجێ دەستكراوە بە جێبەجێكردنی پلانی نیشتمانی و سەرجەم بەرهەمەكانی نێو كێڵگەكە سووتێنراون و لەناوبراون، هەروەها قەدەخەی هاتووچۆیش بۆ كێڵگەكە قەدەغەكرا و باس لەوەشكراوە، ئەو كێڵگە پەلەوەرییەی كە حاڵەتە تووشبوونەكەی بە ئەنفلوەنزای باڵندە-ی تیایدا تۆماركراوە ناوچەیەكی دابڕاوە و هیچ كێڵگەیەكی پەلەوەری دیكە لە دەورووبەرییدا نییە.

ئەوەیش خراوەتەڕوو كە هەموو رێوشوێنێك بۆ كۆنتڕۆڵكردنی نەخۆشییەكە گیراوتەبەر و رایگەیەندراوە كە ئەو نەخۆشییە یەكیكە لە نەخۆشییە گوازراوەكان، كە لە رێگەی باڵندە كۆچەرەكانەوە لە دەرەوەی وڵات دەگوازرێتەوە و ئێستا ئەو پەتایە لە ٣٨ وڵاتی جیهاندا تۆماركراوە.

لە كۆتاییدا داوا لە سەرجەم خاوەن كێڵگە پەلەوەرییەكان كراوە كە بە وردی چاودێری رەوشەكە بكەن و لە كاتی گومان كردن بە هەر حاڵەتێكی دیكەی تووشبوون بە ئەنفلوەنزای باڵندە، لایەنە پەیوەندیدارەكان ئاگادار بكەنەوە، بۆ ئەوەی رێكاری پێویست لە پێناو رێگرتن لە بڵاوبوونەوەی پەتاكە بگرنە بەر.
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×