رێکخراوی تەندروستیی جیهانی ڕه‌تیده‌كاته‌وه‌ كۆرۆنا له‌تاقیگەدا به‌رهه‌مهاتبێت
  2020-04-21     
رێکخراوی تەندروستیی جیهانی ڕه‌تیده‌كاته‌وه‌ كۆرۆنا له‌تاقیگەدا به‌رهه‌مهاتبێت، وته‌بێژی‌ ڕێكخراوه‌كه‌ش ده‌ڵێت، ڤایرۆسەکە لە گیاندارانەوە سەریهەڵداوە.

ئاوێنه‌: مشتومڕه‌كان له‌باره‌ی‌ سه‌رهه‌ڵدان‌و بڵاوبونه‌وه‌ی‌ ڤایرۆسی‌ كۆرۆنا به‌رده‌وامه‌و له‌نوێترین لێدوانیدا فادێلا چایب، وتەبێژی رێکخراوی تەندروستیی جیهانی ڕه‌تیكرده‌وه‌ كه‌ ڤایرۆسه‌كه‌ له‌تاقیگەدا به‌رهه‌مهاتبێت.

ناوبراو له‌كرنگره‌یه‌كی‌ رۆژنامه‌وانیدا رایگەیاند، "هەمو ئەو بەڵگانەی لەبەردەستن ئەوە دەڵێن کە ڤایرۆسەکە لەگیاندارانەوە سەریهەڵداوەو لەتاقیگەی هیچ شوێنێکەوە دروستنەکراوە".

فادێلا چایب وتیشی‌، ئه‌گه‌ره‌كان زیاتر ئه‌وه‌یه‌ كه‌ ڤایرۆسه‌كه‌ لەشەمشەمەکوێرەکانەوە سه‌ریهه‌ڵداوه‌، بەڵام چۆن گوازراوەتەوە بۆ مرۆڤ، هێشتا لەژێر لێکۆڵینەوە دایەو نەدۆزراوەتەوە. 
 
ویلایه‌ته‌یه‌كگرتووه‌كانی‌ ئەمەریکا بڕیاریداوە لێکۆڵینەوە لەسەرچاوەی بڵاوبونەوەی ڤایرۆسەکە بکات، بەڵام مایک پۆمپێیۆ، وەزیری دەرەوەی ئەمەریکا لەتویتێکدا دەڵێت، چین رێگا نادات دەستیان بەو تاقیگەیە بگات کە گومانی لەسەرە.

وەزارەتی دەرەوەی ئەمەریکا ئاشکرایکردووە، لەتاقیگەیەکی ووهان، تاقیکردنەوە لەسەر شەمشەمەکوێرەی شاخەکان کراوەو ئەمەش گومانی دروستکردووە.
 
له‌لایه‌كی‌ دیكه‌وه‌ پیتەر فۆرستێر، پسپۆڕی بواری جینات لەزانکۆی کامبریج لەلێدوانێکی بۆ تەلەڤەزیۆنی ئاڕ تی روسی رایگەیاندووه‌، ئه‌وان بڕوایانوایە ڤایرۆسەکە لەبازاڕی ماسی‌و ئاژەڵانی ووهان تەشەنەی کردبێت، بەڵام پێشیانوایە، پێش ووهان، ئەو ڤایرۆسە لەشوێنێکی دیکە بڵاوبۆتەوە، بۆیە دەبێت لێکۆڵینەوەی زیاتر بکەن.
 
تا ئێستا لەجیهان دو ملیۆن‌و 518 هەزارو 36 کەس توشی کۆرۆنا بون، لەو ژمارەیە 173 هەزارو 445 کەس گیانیانلەدەستداوەو 660 هەزارو 713 کەسیش چاکبونەتەوە. 
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×