2020-02-20 2727
دادگای لێکۆڵینەوەی موسڵ ئاشکرای کرد باندێکی ١١ کەسی دەستگیر کراوە و دانیان بە تاوانەکانیان ناوە.
ئاوێنه: لەمیانی راگەیەندراوێکدا دادگای لێکۆڵینەوەی مووسڵ رایگەیاند، باندێکی ١١ کەسی دەستگیر کراوە و دانیان بەوەناوە کە بازرگانییان بە ئەندامەکانی جەستەی مرۆڤ کردووە.
ئەنجوومەنی دادوەری مووسڵ-یش لەمبارەیەوە بەیاننامەیەک دەخاتەڕوو کە تێیدا هاتووە، ''تۆمەتبارەکان دانیان بەوەدا ناوە کە بارزگانییان بە ئەندامانی جەستەی مرۆڤ کردووە بە تایبەتی گورچیله، هاوکات باندەکە ئاماژەیان بەوەداوە کە نرخی تەنها یەک گورچیلەی مرۆڤ گەیشتووەتە ١٢ هەزار دۆلاری ئەمریکی''.