چۆن خۆمان بپارێزین لە ڤایرۆسی ئەنفلەوەنزای بەراز؟
  2019-12-31     
ڕێنماییەکانی وەزارەتی تەندروستی بۆ هاوڵاتیانی هەرێمی کوردستان بۆ خۆپاراستن لە تووشبوون بە نەخۆشی ئەنفلەوەنزای وەرزی (H1N1).

ئاوێنە: چۆن دەزانی تووشی نەخۆشی ئەنفلەوەنزا بوویت؟

ئەگەر تووشی تا هاتی، یان هەندێک جار لەرزیشی لەگەڵ دا بوو، هەستت بە بێهێزی و ماندووبوون و ژانەسەر و ئازاری ماسولکەکانی جەستەت کرد، یان کۆکە و پەسیوت هەبوو، ئەوانە نیشانەی ئەنفلەوەنزان.

ڤایرۆسی ئەنفلەوەنزا چۆن بڵاو دەبێتەوە؟

• بە پریشکی کۆکین و پژمین و گفتوگۆ بڵاودەبێتەوە.

• هەروەها لە ژوورێکی داخراو بەو پریشک و گەردانەی کۆکین و پژمین کە لەناو هەوادا هەن بڵاودەبێتەوە.

• یان بەکارهێنانی کەل و پەلی تایبەتی کەسێک نەخۆش وەکو پەرداخ و کەوچک وکەرەستەی یاریکردن.

خۆپاراستن لە ڤایرۆسی ئەنفلەوەنزا

١. دووربکەوێتەوە لە شوێنی ئاپۆرە و قەرەبالغی، ئەگەر ناچاربووی بچیتە ئەو شوێنانە، ئەوا باشترە دەمامکی پزیشکی بەکاربهێنی.

٢. ئەگەر کەسێک نەخۆشی ئەنفلەوەنزای هەبێت، باشتر وایە ئەو کەسە تا دەتوانێن لەماڵەوە بمێنێتەوە و پشوو بدات، ئەگەر بۆ چارەسەر نەبێت نەچیتە دەرەوە. ئەگەر هاتوو چووە دەرەوە ئەوا پێویستە دەم و لووتی بە جوانی دا بپۆشێت یان دەمامکی پزیشکی بەکار بهێنێت بۆئەوەی هاورێکانیشی تووش نەکات.

٣. دەبێت نەخۆشی ئەنفلەوەنزا لە کاتی پژمین و کۆکین دەم و لوتی بە دەستەسڕ دابپۆشێت، دەستی بە ئاو و سابوون بشوات، یان جێلی ئەلکهول بۆ خاوێن کردنەوە دةستى بەکاربهێنێت.

٤. هاندانی خەڵک بۆ دەست شووشتن بەبەردەوامی و بەکارهێنانی ئاو و سابوون یان بەکارهێنانی جێلی ئەلکهول بۆ خاوێن کردنەوە پێشنان خواردن و خواردنەو و دوای چوونە سەرئاو و یان لەکاتی گەرانەوە بۆ ماڵەوە.

٥. ئەگەر دەستت لە هەر روویەک دا، نابێ دەستت لە لووت و دەم و چاوت بدەیت.

٦. تا بکرێت خۆتان دوور بگرن لە رامووسان و ماچکردنی یەکتر.

٧. دوور کەوتنەوە لە جگەرە کێشان، بەرگریت بەرامبەر نەخۆشی ئەنفلەوەنزا زیاد دەکات.

٧. بایەخ بە هەوا گۆڕکێ بدە لە ژورەکەت، جارجارە پەنجەرەی ژورەکەت بکەوە.

٨. ئەگەر منداڵەکەت تووشی پەسیو یان ئەنفلەوەنزا هات، سەردانی ماڵان مەکە، چونکە نەخۆشییەکەی سەختتر دەبێت و مەترسیدارە.

١٠. کەل و پەلی تایبەت بە خۆت بەکاربهێنە وەکو جل و پەرداخ و کەوچک.

١١. لەکاتی نەخۆش کەوتن، هەوڵ بدە پتر شلەمەنی گەرم بخۆیتەوە.

١٢. بۆخۆپاراستن کلە نەخۆشی سەرما و ئەنفلەوەنزا، پێویستە خواردن و خواردنەوەی هاوسەنگ بخۆێت کە پر بێت لە ڤیتامینەکان وەکو سەوزە و میوە. وەزارەتی تەندروستی حکومەتی هەرێمی کوردستان
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×