كۆبۆنه‌وه‌ی ئه‌نجومه‌نی پارێزگای كه‌ركوك كه بڕیاربو بۆ هه‌ڵبژاردنی پارێزگار به‌ڕێوه‌بچێت، به‌هۆی ته‌واونه‌بونی نیساب جارێكی دیكه دواخرا.
ئاوێنه: ره‌عد ساڵح جبوری، ئه‌ندامی ئه‌نجومه‌نی پارێزگای كه‌ركوك له فراكسیۆنی عه‌ره‌بی، رایگه‌یاند، كۆبونه‌وه‌ی ئه‌مڕۆی ئه‌نجومه‌نی پارێزگاكه بۆ هه‌ڵبژاردنی پارێزگارێكی نوێ له‌جێی محه‌مه‌د سه‌معان ئاغا، جارێكی دیكه دواخرا.
به‌پێی زانیارییه كۆبونه‌وه‌كه بۆ سبه‌ی پێنجشه‌ممه دواخراوه به‌ڵام ئه‌و په‌رله‌مانتاره ئاماژه‌ی به‌وه‌داوه، تاوه‌كو ئێستا هیچ واده‌یه‌كی نوێ بۆ كۆبونه‌وه‌كه دیارینه‌كراوه.
به‌هۆی ناكۆكی نێوان لایه‌نه‌كان و ته‌وانه‌بونی نیساب، تا ئێستا دو جار كۆبونه‌وه‌كه دواخراوه.