کۆنگرەی نەتەوەیی کوردستان داوای گەڕانەوەی پارتی و یەکێتی بۆ سەر مێزی گفتوگۆ و پێکهێنانی حکومەت دەکات
  2026-11-06     

کۆنگرەی نەتەوەیی کوردستان (کەنەکە) لەبارەی دۆخی سیاسیی هەرێمی کوردستان ڕاگەیەندراوێکی بڵاوکردەوە و تێیدا داوا لە پارتی دیموکراتی کوردستان، یەکێتیی نیشتمانیی کوردستان و سەرجەم لایەنە سیاسییەکان دەکات کۆتایی بە بنبەستی سیاسی بهێنن و بۆ گەیشتن بە سازانێکی نیشتمانی بگەڕێنەوە سەر مێزی گفتوگۆ.

ئاوێنە: ​لە ڕاگەیەندراوەکەی کۆنگرەی نەتەوەیی کوردستاندا کە ڕۆژی ٦ی تشرینی دووەمی ٢٠٢٦ بڵاوکراوەتەوە، ئاماژە بەوە کراوە کە دۆخی ئێستا لە لوتکەی بەرپرسیارێتیی نیشتمانیدایە و پێویستە ئەو بەرپرسیارێتییە لەسەرووی هەموو ڕوانینێکی حزبی و بەرتەسکەوە دابنرێت.

​کەنەکە ئاماژەی بەوەش کردووە، دوای ئەنجامدانی هەڵبژاردنی خولی شەشەمی پەرلەمانی کوردستان لە مانگی ئۆکتۆبەری ٢٠٢٤دا، لە کۆتاییەکانی مانگی ئەیلوولی ڕابردوودا لە ڕێگەی شاندێکی فەرمییەوە جەختیان لەسەر پێویستیی دەستبەجێی کاراکردنەوەی پەرلەمان و دامەزراندنی حکومەتێکی بەهێز کردووەتەوە. هاوکات لە میانی کۆبوونەوەکانی شاندەکەیاندا، مەترسییە درێژخایەنەکانی بەردەوامبوونی بنبەستی سیاسی شیکراونەتەوە و کەنەکە ئامادەیی تەواوی خۆی بۆ کارکردن و نێوەندگیری لەپێناو بەرقەراربوونی سەقامگیریدا خستووەتە ڕوو.

​لەو چوارچێوەیەدا و بە ئامانجی پاراستنی ئاسایشی نەتەوەیی و ڕێزگرتن لە قوربانیدانی شەهیدان، کۆنگرەی نەتەوەیی کوردستان دوو داواکاریی سەرەکی ئاڕاستەی لایەنەکان و ڕای گشتی دەکات:

​یەکەم: داوا لە سەرکردایەتیی پارتی دیموکراتی کوردستان و یەکێتیی نیشتمانیی کوردستان، هەروەها تەواوی هێزە سیاسییەکانی دیکە دەکات کە بە گیانی بەرپرسیارێتیی نیشتمانییەوە، بە زووترین کات بگەڕێنەوە سەر مێزی گفتوگۆیەکی گشتگیر بە مەبەستی گەیشتن بە سازانێکی نیشتمانی.

​دووەم: داوا لە سەرجەم لایەنە پەیوەندیدارەکان دەکات کە گرنگە کۆمەڵانی خەڵکی کوردستان، ڕێکخراوەکانی کۆمەڵگەی مەدەنی و دڵسۆزانی گەل هەوڵەکانیان یەکبخەن و کۆبکەنەوە، لەپێناو دامەزراندنی حوکمڕانییەکی دروست (ڕەشید)، چەسپاندنی سەروەریی یاسا، بەهێزکردنی دامەزراوە نیشتمانییەکان و خزمەتکردنی هاووڵاتییان وەک ئامانجی سەرەکیی ئەم قۆناغە.

​لە کۆتایی ڕاگەیەندراوەکەدا، کۆنگرەی نەتەوەیی کوردستان دووپاتی دەکاتەوە کە هەنگاونان بەرەو یەکڕیزیی نیشتمانی و خەباتی نەتەوەیی، تەنها ڕێگەیە بۆ تێپەڕاندنی ئاڵۆزییەکان و مسۆگەرکردنی ئاشتی و سەقامگیری بۆ گەلی کوردستان.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×