نرخی نه‌وت زیاتر به‌رزبوه‌وه‌
  2026-08-07     

سه‌رله‌به‌یانی ئه‌مڕۆ هه‌ینی نرخی نه‌وت زیاتر به‌رزبوه‌وه‌، ئه‌وه‌ش به‌هۆی زیادبونی نیگه‌رانییهكان‌ له‌باره‌ی درێژه‌كێشانی داخستنی گه‌روی هورمز.

ئاوێنه‌: سه‌رله‌به‌یانی ئه‌مڕۆ هه‌ینی، نرخی نه‌وت له‌ بازاڕه‌كانی جیهاندا به‌ڕێژه‌ی 1% به‌رزبونه‌وه‌ی به‌خۆیه‌وه‌ بینی، به‌شێوه‌یه‌ك له‌ ئێستادا یه‌ك به‌رمیل نه‌وتی خاوی برێنت به‌ 83 دۆلار و 16 سه‌نت و یه‌ك به‌رمیل نه‌وتی خاوی تاكساس به‌ 77 دۆلار و 58 سه‌نت مامه‌ڵه‌ی پێوه‌ده‌كرێت.

دوێنێ پێنجشه‌ممه‌ نرخی یه‌ك به‌رمیل نه‌وت له‌ بازاڕه‌كانی جیهاندا زیاتر له‌ 3 دۆلار به‌رزبوه‌وه‌، ئه‌وه‌ش دوای ئه‌وه‌ی په‌رله‌مانی ئێران ده‌ستی به‌ گفتوگۆ له‌سه‌ر پڕۆژه‌ یاسایه‌ك كرد بۆ قه‌ده‌غه‌كردنی تێپه‌ڕبونی كه‌شتییه‌ ئه‌مریكی و ئیسرائیلییه‌كان به‌ گه‌روی هورمزدا، ئه‌و گه‌روه‌ی كه‌ تاوه‌كو به‌رله‌ ده‌ستپێكردنی جه‌نگ له‌ كۆتایی مانگی شوباتی ئه‌مساڵدا، نزیكه‌ی یه‌ك له‌سه‌ر پێنجی نه‌وت و غازی جیهانی پێدا تێپه‌ڕده‌بو.

په‌رله‌مانتارێكی ئێران به‌ ئاژانسی فارس نیوزی راگه‌یاند، لیژنه‌یه‌كی په‌رله‌مانی گفتوگۆی له‌سه‌ر پڕۆژه‌ یاسایه‌ك كردوه‌ بۆ قه‌ده‌غه‌كردنی هاتوچۆی كه‌شتییه‌ ئه‌مریكی و ئیسرائیلییه‌كان و ئه‌و كه‌شتییانه‌ی كه‌ وڵاته‌كانیان به‌ نه‌یار هه‌ژمار ده‌كرێن له‌گه‌ڵ سه‌پاندنی پێبژاردن به‌سه‌ر ئه‌و كه‌شتیانه‌ی كه‌ رێساكانی ئێران له‌ گه‌روه‌كه‌دا پێشێل ده‌كه‌ن به‌رێژه‌ی 20%ی نرخی باره‌كانیان.

له‌ سه‌ره‌تای ئه‌م هه‌فته‌یه‌وه‌ تا چوارشه‌ممه‌ نرخی نه‌وت روی له‌ دابه‌زین كردبو ئه‌وه‌ش به‌هیوای گه‌یشتن به‌ رێككه‌وتن بۆ كردنه‌وه‌ی گه‌روی هورمز، به‌شێوه‌یه‌ك نرخی یه‌ك به‌رمیل نه‌وتی خاوی برێنت له‌خوار 80 دۆلاره‌وه‌ مامه‌ڵه‌ی پێوه‌ ده‌كرا.

زۆرترین بینراو
خانه‌واده‌كه‌ی: هاوخه‌می به‌رفراوانی خه‌ڵك بۆ كۆچی مام عوسمان نیشانی دا كه‌ كه‌یسی سه‌رده‌شت هه‌ر به‌زیندویی ده‌مێنێته‌وه‌
مەلا بەختیار: خۆفرۆشەکانی سەردەمی بەعس‌و گەندەڵەکانی دوای راپەڕین مافی شانازیکردنیان بەسلێمانیەوە نیە
ڕوونکردنەوەیەک لە دانە غاز لەبارەی کێڵگەی غازی کۆرمۆر لە چەمچەماڵ
نرخی دراوه‌كان له‌ كاتی كردنه‌وه‌ی بازاڕ
"قاچیان دەشکێنین": تورکیاو ئێران لەترس‌و دڵەڕاوکێدان بەهۆی هەنگاوێکی ترەمپەوە
قەحتان ونداوی، کاندیدی بەرەی تورکمانی بە پارێزگاری کەرکوک هەڵبژێردرا
رۆیتەرز: تره‌مپ به‌ راوێژكاره‌كانی وتوه‌، ئێران گێچه‌ڵ نه‌كات هێرشی سه‌ربازی ده‌ست پێ ناكه‌ینه‌وه‌
یەکێتیی ئەوروپا مەترسی نوێی سەربازی لەنێوان ئەمریکا و ئێران ئاشکرا دەکات
جێگری پارێزگای کەرکوک: پارێزگاری نوێی کەرکوک تا کۆتایی ئەمساڵ لە ئەرکەکەی بەردەوام دەبێت
دامه‌زراوه‌ی په‌ی: پێشتر هۆشداریماندا له‌ رێگه‌دان به‌ په‌رله‌مانتار فراكسیۆن و حزب بگۆڕێت
© 2026 Awene Online, Inc. All Rights Reserved.
×