هه‌واڵی رێككه‌وتنی ئه‌مریكاو ئێران نرخی نه‌وتی دابه‌زاند
  2026-05-29     

دوای بڵاوبونه‌وه‌ی هه‌واڵی رێككه‌وتنی ئه‌مریكاو ئێران بۆ درێژكردنه‌وه‌ی ئاگربه‌ست، ئه‌مڕۆ هه‌ینی، نرخی نه‌وت له‌ بازاڕه‌كانی جیهان به‌ڕێژه‌ی زیاتر له‌ 1% دابه‌زی.

ئاوێنه‌: ئه‌مڕۆ هه‌ینی نرخی نه‌وت له‌ بازاڕه‌كانی جیهاندا به‌ڕێژه‌ی زیاتر له‌ 1% دابه‌زینی به‌خۆیه‌وه‌ بینی ئه‌وه‌ش دوای بڵاوبونه‌وه‌ی هه‌واڵی رێككه‌وتنی ئه‌مریكا و ئێران له‌سه‌ر درێژكردنه‌وه‌ی ئاگربه‌ست بۆ ماوه‌ی 60 رۆژ، هه‌رچه‌نده‌ هێشتا رێككه‌وتنه‌كه‌ نه‌گه‌یشتۆته‌ ئه‌نجامی كۆتایی و به‌پێی میدیا ئه‌مریكییه‌كان ره‌زامه‌ندی دۆناڵد تره‌مپ، سه‌رۆكی ئه‌مریكای ماوه‌.

له‌ ئێستادا یه‌ك به‌رمیل نه‌وتی خاوی برێنت به‌ 92 دۆلار و 51 سه‌نت و نرخی ننه‌وتی ته‌كساس به‌ 87 دۆلار و 58 سه‌نت مامه‌ڵه‌ی پێوه‌ ده‌كرێت.

ئه‌وه‌ش گه‌وره‌ترین دابه‌زینی هه‌فتانه‌ی نرخی نه‌وته‌ كه‌ له‌ سه‌ره‌تای مانگی نیسانی ئه‌مساڵه‌وه‌ تۆمارده‌كرێت.

له‌باره‌ی ئه‌و هه‌واڵانه‌ی كه‌ باس له‌وه‌ ده‌كه‌ن ئه‌مریكا و ئێران رێككه‌وتون و رێككه‌وتنه‌كه‌ش ته‌نیا ره‌زامه‌ندی دۆناڵد تره‌مپ، سه‌رۆكی ئه‌مریكای ماوه‌، جه‌ی دی ڤانس، جێگری سه‌رۆكی ئه‌مریكا وتی، هێشتا له‌باره‌ی ئه‌وه‌ی كه‌ ئایا چ كاتێك یاخود ئایا له‌ بنه‌ڕه‌تدا هه‌ردولا ده‌گه‌نه‌ رێككه‌وتنی كۆتایی، زوه‌.

به‌قسه‌ی جه‌دی دی ڤانس، ئه‌و ره‌شنوسه‌ی كه‌ دانوستانی له‌سه‌ر ده‌كه‌ن هێشتا له‌باره‌ی چه‌ند بڕگه‌یه‌كی له‌گه‌ڵ ئێران له‌ گفتوگۆدان، یه‌كێك له‌و بڕگانه‌ش پرسی پیتاندنی یۆرانیۆمه‌.

ئه‌و وتیشی، هێشتا نه‌گه‌یشتوینه‌ته‌ ئه‌نجامی كۆتایی، به‌ڵام زۆر نزیكین و له‌ دانوستان بۆ ئه‌و مه‌به‌سته‌ به‌رده‌وام ده‌بین.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×