نرخی نه‌وت به‌رزبوه‌وه‌
  2026-04-24     

سه‌رله‌به‌یانی ئه‌مڕۆ هه‌ینی، نرخی نه‌وت له‌ بازاڕه‌كانی جیهاندا به‌رزبوه‌وه‌ ئه‌وه‌ش له‌سایه‌تی نیگه‌رانییه‌كان بۆ ده‌ستپێكردنه‌وه‌ی شه‌ڕو ئاڵۆزییه‌كان له‌ رۆژهه‌ڵاتی ناوه‌ڕاست، وێڕای ئه‌وه‌ی درێژكردنه‌وه‌ی ئاگربه‌ستی نێوان لوبنان و ئیسرائیل بۆ ماوه‌ی سێ هه‌فته‌ی دیكه‌ راگه‌یه‌ندرا.

ئاوێنه‌: سه‌رله‌به‌یانی ئه‌مڕۆ هه‌ینی، نرخی نه‌وت له‌ بازاڕه‌كانی جیهاندا به‌رزبونه‌وه‌ی به‌خۆیه‌وه‌ بینی و به‌شێوه‌یه‌ك كه‌ له‌ ئێستادا یه‌ك به‌رمیل نه‌وتی خاوی برێنت به 106 دۆلار و 1 سه‌نت و یه‌ك به‌رمیل نه‌وتی خاوی ته‌كساس به‌ 96 دۆلار و 58 سه‌نت مامه‌ڵه‌ی پێوه‌ده‌كرێت.

به‌رزبونه‌وه‌ی نرخی نه‌وت دوای ئه‌وه‌ هات كه‌ شه‌وی رابردو میدیاكانی ئێران بڵاویان كرده‌وه‌ كه‌ سیستمی به‌رگریی ئاسمانی وڵاته‌كه‌یان له‌ تاران چالاككراوه‌ بۆ روبه‌ڕوبونه‌وه‌ی چه‌ند ئامانجێكی دوژمنكارانه‌. هه‌روه‌ها هه‌ر دوێنێ ئێران گرته‌یه‌كی ڤیدیۆیی بڵاوكرده‌وه‌ كه‌ هێزه‌كانی سوپای پاسداران ده‌چنه‌ نێو كه‌شتییه‌كی گه‌وره‌ له‌ ئاوه‌ ده‌ریاییه‌كانی ناوچه‌كه‌دا، پاش ئه‌وه‌ی ته‌قه‌یان لێكردوه‌و رایانگرتوه‌.

فارس نیوز ئاماژه‌ی به‌وه‌دابو، سیستمی به‌رگریی ئاسمانی وڵاته‌كه‌ی روبه‌ڕوی چه‌ند درۆنێكی بچوك بۆته‌وه‌ له‌ ئاسمانی تاران و چه‌ند ناوچه‌یه‌كی دیكه‌.

ئه‌وه‌ش له‌كاتێكدایه‌ كه‌ شه‌وی رابردو دۆناڵد تره‌مپ، سه‌رۆكی ئه‌مریكا له‌دوای كۆبونه‌وه‌ی لایه‌نی لوبنانی و ئیسرائیلی له‌ كۆشكی سپی، رایگه‌یاند، ئاگربه‌ستی نێوان ئه‌و دو وڵاته‌ بۆ ماوه‌ی سێ هه‌فته‌ی دیكه‌ درێژكرایه‌وه‌.

به‌ڵام به‌رله‌وه‌ وه‌زیری به‌رگریی ئیسرائیل رایگه‌یاند، چاوه‌ڕێی گڵۆپی سه‌وزی ئه‌مریكا بۆ ده‌ستكردنه‌وه‌ به‌ هێرش بۆ سه‌ر ئێران.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×