نرخی زێڕ بۆ دەیەمین ڕۆژ لەسەریەک دابەزی و نزمترین ئاستی تۆمارکرد
  2026-03-24     

نرخی زێڕ ئه‌مڕۆ سێشه‌ممه‌ به‌ڕێژه‌ی زیاتر له‌ 1% دابه‌زینی به‌خۆیه‌وه‌ بینی و زیانه‌كانیان بۆ ده‌یه‌مین خولی له‌سه‌ریه‌ك درێژكرده‌وه‌، ئه‌مه‌ش له‌ كاتێكدایه‌ كه‌ نرخی دۆلاری ئه‌مریكی به‌رزبوه‌ته‌وه‌ و چاوه‌ڕوانییه‌كانی دابه‌زینی ڕێژه‌ی سود له‌لایه‌ن یه‌ده‌گی فیدراڵی له‌ ماوه‌یه‌كی نزیكدا دابه‌زیوه‌.

ئاوێنە: به‌گوێره‌ی بۆرسه‌ی جیهانی، نرخی یه‌ك ئۆنسه‌ زێڕ به‌ ڕێژه‌ی 1.6% دابه‌زی و گه‌یشته‌ 4335.18 دۆلار، به‌مه‌ش بۆ نزمترین ئاستی له‌ دوای 24ی مانگی رابردو دابه‌زی، هه‌روه‌ها ئاینده‌ی زێڕی ئه‌مریكا به‌ ڕێژه‌ی 1.6% دابه‌زی و گه‌یشته‌ 4336.10 دۆلار.

به‌ پێچه‌وانه‌وه‌ نرخی یه‌ك ئۆنسه‌ زیو به‌ ڕێژه‌ی 2.9% دابه‌زی و گه‌یشته‌ 67.11 دۆلار، هه‌روه‌ها نرخی پلاتینیۆم به‌ ڕێژه‌ی 2.1% دابه‌زیوه‌ و گه‌یشتوه‌ته‌ 1842.30 دۆلار و پالادیۆمیش به‌ ڕێژه‌ی 2.1% دابه‌زیوه‌ و گه‌یشتوه‌ته‌ 1403.76 دۆلار.

شرۆڤه‌كاران پێیانوایه‌ بازاڕه‌كان به‌ره‌و به‌رزكردنه‌وه‌ی نرخی سود ده‌ڕۆن، ئه‌مه‌ش له‌ كاتێكدایه‌ كه‌ چاوه‌ڕوانی ئه‌وه‌ ده‌كرێت شه‌ڕی ناوچه‌كه‌ ده‌بێته‌ هۆی به‌رزبونه‌وه‌ی ڕێژه‌ی هه‌ڵاوسان، ئه‌مه‌ش پاڵ به‌ بانكه‌ ناوه‌ندییه‌كانه‌وه‌ ده‌نێت بۆ ئه‌وه‌ی سیاسه‌تی دراوی توندتر بگرنه‌به‌ر، ئه‌مه‌ش له‌ به‌رامبه‌ردا فشار ده‌خاته‌ سه‌ر نرخی زێڕ به‌و پێیه‌ی قازانج نادات.

به‌رزبونه‌وه‌ی نرخی نه‌وت كه‌ هه‌ر به‌رمیلێك له‌ سه‌روی 100 دۆلاره‌وه‌ ده‌مێنێته‌وه‌، هۆكار بوه‌ بۆ ترسی هه‌ڵاوسان، ئه‌مه‌ش زیاتر فشاری له‌سه‌ر ئه‌و كانزا به‌نرخه‌ دروستكردوه‌.

ئه‌م دابه‌زینه‌ له‌ كاتێكدایه‌ كه‌ گرژییه‌كانی ناوچه‌كه‌ به‌رده‌وامن، به‌تایبه‌تی دوای ئه‌وه‌ی ئێران ڕه‌تیكرده‌وه‌ دانوستانه‌كانی له‌گه‌ڵ ئه‌مریكا ئه‌نجامبدات، سه‌ره‌ڕای ئه‌وه‌ی دۆناڵد تره‌مپ سه‌رۆكی ویلایه‌ته‌ یه‌كگرتوه‌كانی ئه‌مریكا دواخستنی ئه‌و لێدانانه‌ی ڕاگه‌یاند كه‌ دامه‌زراوه‌كانی ئێرانیان كردبوه‌ ئامانج، ئه‌مه‌ش ئاماژه‌یه‌ بۆ ئه‌وه‌ی كه‌ په‌یوه‌ندیی ناڕاسته‌وخۆ هه‌بوه‌.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×