نرخی زێڕو و زیو بەرزدەبێتەوە
  2026-03-03     

ئه‌مڕۆ سێشه‌ممه‌ نرخی زێڕ و زیو بۆ پێنجه‌مین خولی له‌سه‌ریه‌ك رویان له‌به‌رزبونه‌وه‌ كرد، له‌كاتێكدا وه‌به‌رهێنه‌ران زیاتر به‌دوای سه‌روه‌ت و سامانی سه‌لامه‌تدا ده‌گه‌ڕان له‌ نێوان په‌ره‌سه‌ندنی شه‌ڕی ئاسمانی ئه‌مریكا و ئیسرائیل دژی ئێران، ترسی ئه‌وه‌شیان هه‌یه‌ ململانێكان بگۆڕێت بۆ ڕوبه‌ڕوبونه‌وه‌یه‌كی درێژخایه‌نی ناوچه‌یی كه‌ نادڵنیایی له‌ بازاڕه‌ جیهانییه‌كان زیاتر بكات.

ئاوێنە: به‌گوێره‌ی بۆرسه‌ی جیهانی كانزاكان، نرخی هه‌ر ئۆنسه‌یه‌ك زێڕ به‌ ڕێژه‌ی 1% به‌رزبوه‌وه‌ گه‌یشته‌ پێنج هه‌زار و 377 دۆلار و 21 سه‌نت، هه‌روه‌ها ئاینده‌ی زێڕی ئه‌مریكی به‌ ڕێژه‌ی 1.5% به‌رزبوه‌وه‌ و گه‌یشته‌ 5391.90 دۆلار بۆ هه‌ر ئۆنسه‌یه‌ك.

سه‌باره‌ت به‌ كانزا به‌نرخه‌كانی دیكه‌ش، نرخی یه‌ك ئۆنسه‌ زیو به‌ڕێژه‌ی 1.4% به‌رزبوه‌وه‌ و گه‌یشته‌ 90.67 دۆلار، پلاتینیۆم به‌ڕێژه‌ی 0.6% به‌رزبوه‌وه‌ و گه‌یشته‌ 2316.50 دۆلار، پالادیۆمیش به‌ڕێژه‌ی 1.6% به‌رزبوه‌وه‌ و گه‌یشته‌ 1795.08 دۆلار بۆ هه‌ر ئۆنسه‌یه‌ك.

به‌رزبونه‌وه‌ی نرخی زێڕ هاوكات بو له‌گه‌ڵ نزیكبونه‌وه‌ی نرخی دۆلار له‌ به‌رزترین ئاستی خۆی له‌ ماوه‌ی زیاتر له‌ پێنج هه‌فته‌دا، ئه‌مه‌ش پشتگیریی هه‌ستی وریاانه‌ی بازاڕ ده‌كات، له‌ كاتێكدا كه‌ دۆلارێكی به‌هێز به‌ شێوه‌یه‌كی گشتی فشاری دابه‌زین ده‌خاته‌ سه‌ر نرخی زێڕ، به‌ڵام هه‌ندێكجار ماوه‌ی گرژی و نادڵنیایی وه‌به‌رهێنه‌ران پاڵده‌نێت بۆ ئه‌وه‌ی به‌دوای هه‌ردو دۆلار و زێڕدا بگه‌ڕێن وه‌ك په‌ناگه‌یه‌كی سه‌لامه‌ت.

هه‌ر له‌و چوارچێوه‌یه‌دا پێشهاته‌ سه‌ربازییه‌كان بوه‌ هۆی نائارامییه‌كی به‌رفراوان له‌ ناوچه‌كه‌دا، له‌وانه‌ش زیانی گیانی له‌ ئێران، ئیسرائیل و لوبنان، هه‌روه‌ها په‌ككه‌وتنی هاتوچۆی ئاسمانی و پچڕانی هاتوچۆی كه‌شتیوانی له‌ ڕێگه‌ی گه‌روی هورمزه‌وه‌.

ئه‌م زیادبونه‌ له‌ كاتێكدایه‌ كه‌ گرژی و ئاڵۆزییه‌كان له‌ ناوچه‌كه‌دا به‌ره‌و هه‌ڵكشان ده‌چن، ئه‌مه‌ش دوای ئه‌وه‌ دێت كه‌ میدیاكانی ئێران له‌ زاری به‌رپرسێكی سوپای پاسدارانه‌وه‌ بڵاویانكرده‌وه‌، گه‌روی هورمز داخراوه‌، له‌گه‌ڵ هۆشداریدا كه‌ هه‌ر كه‌شتییه‌ك هه‌وڵی به‌زاندنی ڕێڕه‌وی ئاوی ستراتیژی بدات، ده‌كرێته‌ ئامانج.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×