دوای بڕیارەكەی دۆناڵد ترەمپ، سەرۆكی ئەمریكا بۆ هەڵگرتنی باجە گومرگییەكان لەسەر بەشێكی زۆری وڵاتان، نرخی نەوت بەڕێژەی زیاتر لە 4% بەرزبوەوە.
ئاوێنە: دۆناڵد ترەمپ، سەرۆكی ئەمریكا، ئەمشەو چوارشەممە (بە كاتی هەرێمی كوردستان)، رایگەیاند، لەبەرئەوەی هیچ وەڵامێكیان لەدژی باجە گومرگییە نوێكانی ئەمریكا نەبوە، بۆ ماوەی 90 رۆژ باجە گومرگییەكانی سەر زیاتر لە 75 وڵات هەڵدەگرێت، بەڵام باجە گومرگییەكانی سەر چین بۆ 125% بەرزدەكاتەوە.
لەدوای ئەو بڕیارەی ترەمپ، نرخی نەوت لە بازاڕەكانی جیهاندا بەڕێژەی زیاتر لە 4% بەرزبوەوە، بەشێوەیەك كە لە ئێستادا نرخی یەك بەرمیل نەوتی خاوی برێنت بە 65 دۆلار و 84 سەنت و نرخی یەك بەرمیل نەوتی تەكساس بە 62 دۆلار 76 سەنت مامەڵەی پێوە دەكرێت.