بەرپرسی مەکتەبی ڕێکخستنی پارێزگای کەرکووک ـ گەرمیانی پارتی رایگەیاند، حزبەکەی سەرقاڵی دیراسەکردنی یەک لیستییە لەگەڵ یەکێتی بۆ هەڵبژاردنی عێراق.
ئاوێنە: هیوا ئەحمەد، بەرپرسی مەکتەبی ڕێکخستنی پارێزگای کەرکوک ـ گەرمیانی پارتی لە لێدوانێکی رۆژنامەوانیدا ئاشکرایکرد "یەک لیستی ئێمە و یەکێتی بۆ هەڵبژاردنی پەرلەمانی عێراق، لەژێر دیراسەدایە و لە سیاسەتیشدا هیچ شتێک مەحاڵ نییە".
پەیوەست بە بەشداری حزبەکەی لەحکومەتی خۆجێی کەرکوک، هیوا ئەحمەد ئاماژە بەوەدەکات "مەرج نییە بەشداری حکومەتی خۆجێی کەرکوک بکەین، بەڵام پێمان باشە حکومەتی خۆجێی باشبێت و خزمەتی خەڵک بکات".
وابڕیارە هەڵبژاردنی پەرلەمانی عێراق لە کۆتایی ئەمساڵدا ئەنجامبدرێت و هەفتەی رابردوویش، هەمواری یاسای هەڵبژاردن پێشکەش بە پەرلەمانی عێراق کرا.