دەرباز کۆسرەت رەسوڵ، ئەندامی مەکتەبی سیاسیی یەکێتی رایگەیاند، لەدوای پشوەكانی جەژن لەگەڵ پارتی دەست بە كۆبونەوەكانیان لەبارەی پێكهێنانی حكومەت دەكەنەوەو تێیاندا باس لە پرسی دابەشكردنی پۆستەكانی كابینەی داهاتو دەكەن.
ئاوێنە: دەرباز كۆسرەت رەسوڵ، ئەمڕۆ پێنجشەممە، لەمیانی بەشداریكردنی لە پرسەی رۆژنامەنوس بەڵێن ئەحمەد ساڵح لە شاری سلێمانی، لەبارەی پێكهێنانی كابینەی نوێی حكومەتی هەرێمی كوردستان و گفتوگۆكانی نێوان پارتی و یەكێتی لێدوانی بۆ رۆژنامەنوسان دا.
ئەو وتی، بەبۆنەی جەژنی نەورۆز و پشوەكانی جەژنی رەمەزانەوە كۆبونەوەكان راگیرابون، لەدوای پشوی جەژن دەست بە كۆبونەوەكانمان لەگەڵ پارتی لەبارەی پێكهێنانی حكومەتی هەرێمەوە دەكەینەوە.
وتیشی، "لە کۆبونەوەکانی داهاتوی یەکێتی و پارتی باس لە دابەشکردنی پۆستەکان دەکەین".