لەدوای راگەیاندنی پێناسە گومرگییە نوێكان لەلایەن سەرۆكی ئەمریكاوەو هاوكات لەگەڵ بڕیاری گروپی ئۆپیك پڵەس بۆ زیادكردنەوەی بەرهەمهێنانی نەوت لە مانگی داهاتودا، ئەمڕۆ پێنجشەممە، نرخی نەوت لە بازاڕەكانی جیهاندا زیاتر لە 6%ی بەهای خۆی لەدەستدا.

ئاوێنە: بەدرێژایی ئەمڕۆ پێنجشەممە، نرخی نەوت لە بازاڕەكانی جیهاندا زیاتر لە 6%ی بەهای خۆی لە دەستدا، بەشێوەیەك لە ئێستادا نرخی یەك بەرمیل نەوتی خاوی برێنت بە 70 دۆلار 35 سەنت و نرخی یەك بەرمیل نەوتی تەكساس بە نزیكەی 67 دۆلار مامەڵەی پێوەدەكرێت.

دابەزینی نرخی نەوت دوای ئەوە هات كە دوێنێ چوارشەممە، سەرۆكی ئەمریكا پێناسی گومرگی نوێی بەسەر هاوردەكردنی كاڵای وڵاتان بۆ ئەمریكادا سەپاند.

هاوكات كۆبونەوەی ئەمڕۆی نێوان وڵاتانی ئەندامی گروپی ئۆپیك پڵەس، ئاستی دابەزینی نەوتی خێراتر كرد كە تێیدا رێككەوتن 411 هەزار بەرمیل نەوتی رۆژانە لە مانگی داهاتوەوە بۆ بازاڕەكان زیادبكەن.