پارێزگای هەولێر: لە رۆژانی جەژنی رەمەزاندا 76 هەزار گەشتیار سەردانی هەولێریان کردووە
  2025-04-02       126       

پارێزگای هەولێر ئاماری تایبەت بە سێ رۆژی جەژنی رەمەزانی بڵاوکردەوە و رایگەیاند، 76 هەزار گەشتیار سەردانی شارەکەیان کردووە، 28 تاوان ئەنجامدراوە لەگەڵ چوار رووداوی هاتوچۆ.

ئاوێنە: پارێزگای هەولێر رایگەیاند، لە چوارچێوەی ئامادەکاریی و جێبەجێکردنی پلانی تایبەت بە سێ رۆژی جەژنی رەمەزان، زیاتر لە 76 هەزار گەشتیار سەردانی شارەکەیان کردووە.

دەشڵێت، “ئاماری تاوانەکان لە رۆژانی جەژندا بەم شێوەیە بووە 28 تاوان تۆمارکراوە و سەرجەمیان ئاشکراکراون”.

ئاماژەی بەوەشدا، لە رۆژانی جەژندا، بەهۆی پابەندنەبوونی شوفێران بەرێنمایی و یاساکانی هاتوچۆ و لێخوڕینی خێرای شۆفێرەکانەوە چوار رووداوی هاتوچۆ روویدا و بەهۆیەوە 12 کەس برینداربوون.

ئەوەشی خستەڕوو، لە سێ رۆژی جەژن تەواوى تیمە تەندروستییەکان و نەخۆشخانەکان لە ئەرکدابوون، لەو ماوەیەشدا  پێنج هەزار و 874 هاوڵاتی سەردانى نەخۆشخانەکانی سنووری پارێزگای هەولێریان کردووە، هەروەها 119 منداڵ لە دایک بووە و 669 نەشتەرگەرىی جۆراوجۆر ئەنجامدراون.

زۆرترین بینراو
© 2025 Awene Online, Inc. All Rights Reserved.
×