وتەبێژی یەکێتیی نیشتمانیی کوردستان دەربارەی کۆبوونەوەی داهاتووی یەکێتی و پارتی رایگەیاند، “دوای پشووی جەژن دەبارەی پێکهێنانی کابینەی نوێی حکومەت کۆدەبنەوە”.
ئاوێنە: ئەمڕۆ چوارشەممە، سەعدی ئەحمەد پیرە وتەبێژی یەکێتیی نیشتمانیی کوردستان رایگەیاند، بڕیارە دوای کۆتاییهاتنی پشووەکانی جەژنی رەمەزان وەفدی یەکێتی و پارتی دەربارەی پرسی پێکهێنانی کابینەی نوێی حکومەتی هەرێم کۆببنەوە.
ئاماژەی بەوەشداوە، تاوەکو ئێستا کاتی کۆبوونەوەی داهاتووی یەکێتی و پارتی دیارینەکراوە، بەڵام دوای کۆتاییهاتنی پشووی جەژنی رەمەزان کاتەکەی دیاریدەکرێت و کۆبوونەوەکە لەنێوان وەفدی هەردوولا ئەنجامدەدرێت.
ئەوەشی خستووەتەڕوو، ئەو کۆبوونەوانەی لەماوەکانی رابردوودا لە نێوان وەفدی هەردوو حزب ئەنجامدرابوون، توانیویانە بەشێکی زۆری کێشەکان چارەسەربکەن.