وەزارەتی پلاندانانی عیراق بڵاوی کردەوە، هاوردەكردنی زێڕ بۆ ناوخۆی عێراق زیادیكردووە و ڕۆژانە لە نێوان ٥٠ بۆ ٧٥ كیلۆگرام زێڕ هاوردە دەكرێت.
ئاوێنە: عەبدولزەهرە هنداوی، وتەبێژی وەزارەتی پلاندانانی عێراق سەبارەت بە هاوردەکردنی زێڕ بۆ عێراق بەم شێوەیە زانیاری بڵاوکردەوە.
عەبدولزەهرە هنداوی ڕایگەیاند، هاوردەكردنی زێڕ بۆ ناوخۆی عیراق زیادیكردووە و ڕۆژانە لە نێوان ٥٠ بۆ ٧٥ كیلۆگرام زێڕ هاوردە دەكرێت.
ئاماژەی بەوەشکردووە، كاری سەنتەرەكانی پشكنینی زێڕ لە فڕۆكەخانەكانی عێراق بەردەوامە و بەم دواییانەش بەراورد بە ساڵانی ڕابردوو هاوردەكردنی زێڕ بۆ ناوخۆی وڵات بەڕێژەیەكی بەرچاو زیادیكردووە.
وتیشی، لە سەنتەرەكانی پشكنینی زێڕ لە فڕۆكەخانەكان، ئاسانكاری تەواو بۆ زێڕنگەرەكان كراوە و لەڕێگەی ئامێری پێشكەوتوو بە كاتێكی كەم پشكنین بۆ زێڕەكانیان دەكرێت.
ئەوەشی خستەڕوو، عێراق یەكێكە لەو وڵاتانەی خاوەنی ئامێری وردبینی پێشكەوتووە بۆ زێڕ، كە جگە لە ئاسانكارییەكانی بۆ زێڕنگەران، ڕۆڵی بەرچاوی هەیە لە پاراستنی ئابووری وڵات و بەكاربەر.