وتەبێژی سوپای ئیسرائیل بڵاوی كردەوە، ئەمڕۆ ناوچەی بینت جبەیلیان لە لوبنا بۆردوومان كرد و فەرماندەیەكی حزبوڵایان كوشت، دەشڵێن، زیاتر لە ٤٥ چەكداری دیكەیان كوشتووە، زیاتر لە ١٥٠ ئامانجیشیان لەباشووری لوبنان لەناو بردووە.
ئاوێنه: ئفیخای ئەدرەعی وتەبێژی سوپای ئیسرائیل سەبارەت بە ئەنجامدانی هێرشێكی سەربازی لە لوبنان و كوژرانی فەرماندەیەكی دیكەی حزبوڵا ڕاگەیاندراوێكی بڵاوكردەوە كه تیایدا هاتووە، فڕۆكە جەنگییەكانی هێزی ئاسمانی ئیسرائیل هێرشیان كردە سەر ناوچەی بینت جبەیل و حسێن محەمەد عەوادە، فەرماندەی كەتیبەی حزبوڵایان كوشت، كە بەرپرسی هەڵدانی دەیان تۆپ و مووشەك بووە بەرەو خاكی ئیسرائیل.
ئاماژەی بەوەشكرد، لە ماوەی ٢٤ كاتژمێری ڕابردوودا، هێزە زەمینیەكانی ئیسرائیل كە لە باشووری لوبنان لەگەڵ فڕۆكەكانی هێزی ئاسمانی زیاتر لە ٤٥ چەكداری حزبوڵایان كوشت و زیاتر لە ١٥٠ ئامانجی ئەو گرووپەیان لەناوبرد، هەروەها كۆگاكانی چەك و سەكۆی مووشەكی و باڵەخانە سەربازییەكانی حزبوڵا بوون.
لە كۆتایدا ئەوەش خراوەتەڕوو، لە كاتی ئەنجامدانی زنجیرەیەك ئۆپەراسیۆندا كە لەلایەن هێزەكانی لیوای ٧ ئەنجامدرا، چەندین ئامرازی شەڕكردن دۆزرایەوە.