بانكی ناوەندی عێراق بڵاوی كردەوە، ئەمڕۆ بڕی ٢٦٥ ملیۆن و ٩٦٤ هەزار ٥٠ دۆلار خراوەتە بازاڕەكانەوە، دەشڵێن، لەو بڕە هەشت ملیۆن و ٥٥٠ هەزار دۆلار بە شێوەی نەقد بووە.
ئاوێنە: بانكی ناوەندی عێراق لە ڕاگەیەندراوێكدا بڵاوی كردەوە، ئەمڕۆ بڕی ٢٦٥ ملیۆن و ٩٦٤ هەزار و ٥٠ دۆلار خراوەتە بازاڕەكانەوە .
ئەوەش خراوەتەڕوو، لەو بڕە هەشت ملیۆن و ٥٥٠ هەزار دۆلار بە شێوەی نەقد فرۆشراوە و٢٥٧ ملیۆن و ٤٦٤ هەزار و ٥٠ دۆلاریش بە شێوەی حەواڵە فرۆشراوە.
ئەوەش لە كاتێكدایە، ماوەی زیاتر لە ساڵێكە بەهای دۆلاری ئەمریكی لە بازاڕەكانی عێراق و هەرێمی كوردستان بەرامبەر دیناری عێراق بە شێوەیەكی بەرچاو بەرز بووەتەوە، بە جۆرێك لە ئێستادا ١٠٠ دۆلار بەرامبەر ١٥٣ هەزار و ١٠٠ دینار ئاڵوگۆڕی پێ دەكرێت .