نرخی نەوت لە بازاڕەكانی جیهاندا دابەزی ئەوەش بەهۆی دەستپێكردنەوەی بەرهەمهێنانی نەوت لە كەنداوی مەكسیكۆی ئەمریكا.
ئاوێنە: نرخی نەوتی برێنت 36 سەنت دابەزی و بە 71 دۆلار و 61 سەنت مامەڵەی پێوەکرا.
هاوكات نرخی نەوتی تەکساسی ئەمریکاش 32 سەنت دابەزی و بەرمیلێک بە 68 دۆلار و 65 سەنت مامەڵەی پێوەکرا.
لە چەند رۆژی رابردودا نرخی نەوت بەهۆی ئەو زریانەی كە كەنداوی مەكسیكۆی لە ئەمریكا گرتەوە بەرزبوەوە، چونكە بەهۆی زریانەكەوە بەرهەمهێنان و پاڵاوتنی نەوت لە كەناراوەكانی ناوچەكە وەستێنرا.