ئەمڕۆ هەینی، نرخی نەوت لە بازاڕەكانی جیهاندا بەرزبوەوە، ئەوەش دوای ئەوەی لەماوەی ئەم هەفتەیەدا بەشێوەیەكی بەرچاو نرخەكەی دابەزی.
ئاوێنە: سەرلەبەیانی ئەمڕۆ هەینی نرخی نەوت لە بازاڕەكانی جیهاندا كەمێك بەرزبوەوە، بەشێوەیەك كە لە ئێستادا یەك بەرمیل نەوتی خاوی برێنت بە 73 دۆلارو 2 سەنت و یەك بەرمیل نەوتی تەكساس بە 69 دۆلار و 46 سەنت مامەڵەی پێوە دەكرێت.
بەرزبونەوەی نرخی نەوت لەژێر كاریگەی ترسی وەبەرهێنەراندا دێت لەبارەی ئەو داتایانەی كارو موچە كە بڕیارە ئەمڕۆ هەینی لە ئەمریكا بڵاوبكرێنەوەو هەروەها لەپاش ئەوەش دێت كە رێكخراوی ئۆپیك پڵەس، دوێنێ پێنجشەممە، بڕیاریدا ئەو زیادكردنەی بەرهەمهێنانی نەوت كە پلانی بۆ دانراوە لە مانگی 10 و 11دا، دوابخات.