سەرلەبەیانی ئەمڕۆ هەینی، فڕۆکەی جەنگییەكانی توركیا جارێكی دیكە سنووری شارۆچکەی ماوەت-یان لە شارباژێڕ بۆردومانکرد.
ئاوێنە: سەرلەبەیانی ئەمڕۆ هەینی، جارێكی دیكە فڕۆكە جەنگییەكانی سوپای توركیا سنوری شارۆچكەی ماوەت-یان لە شارباژێر بۆردومان كرد.
ئەوەش جاری سێیەمە لە ماوەی 24 سەعاتی رابردودا فڕۆكە جەنگییەكانی توركیا سنوری ئەو شارۆچكەیەكی سنوری پارێزگای سلێمانی بۆردومان دەكەن.
بەپێی قسەی شایەتحاڵەكان بۆردومانەكە سەعات 7:30 خولەكی ئەمڕۆ بوەو ناوچەی شینكایەتی لە ناوچەكە كردۆتە ئامانج.
شایەتحاڵەكان باسیان لەوە كردوە كە هیچ زیانێكی گیانی لە بۆردومانەكە نەكەوتۆتەوە.