سەرلەبەیانی ئەمڕۆ هەینی، نرخی نەوت لە بازاڕەكانی جیهاندا كەمێكی دیكە بەرز بوەوە بەشێوەیەك كە یەك بەرمیل نەوتی خاوی برێنت لە سەرو 79 دۆلارەوە مامەڵەی پێوەكرا.
ئاوێنە: سەرلەبەیانی ئەمڕۆ هەینی، یەك بەرمیل نەوتی خاوی برێنت بە 79 دۆلار و 18 سەنتەر و هەروەها یەك بەرمیل نەوتی تەكساس بە 76 دۆلار و 29 سەنت مامەڵەی پێوە كرا.
لەم هەفتەیەدا نرخی نەوت نزیكەی لەسەدا 3 بەرزبۆتەوە، لەكاتێكدا كە نیگەرانییەكان لەبارەی ئاستی خواست لەسەر نەوت بەرەو رەوینەوە دەچن و هەروەها نیگەرانییەكان لەبارەی فراوانبونی شەڕی غەززە بەردەوامن.