ئەمڕۆ هەینی، نرخی نەوت لە بازاڕەكانی جیهاندا بەرزبونەوەی بەخۆیەوە بینی ئەوەش لەسایەی دابەزینی ئاستی هەڵاوسان لە ئەمریكا كە گەورەترین بەكارهێنەری نەوتە لە جیهاندا.
ئاوێنە: سەرلەبەیانی ئەمڕۆ هەینی، نرخی نەوت بەرزبوەوە بەشێوەیەك كە لە ئێستادا نرخی یەك بەرمیل خاوی برێنت بە 85 دۆلار و 90 سەنت و هەروەها نرخی یەك بەرمیل نەوتی تەكساس بە 83 دۆلار و 24 سەنت مامەڵەی پێوە دەكرێت.
بەرزبونەوەی نرخی نەوت دوای ئەوەها كە ئاماژەكانی هەڵاوسان لە ئەمریكا بەرەو دابەزین رۆیشتن و ئاستی خواست لەسەر وزە لەو وڵاتە كە گەورەترین بەكارهێنەری نەوتە لە جیهاندا، بەرەو بەرزبونەوە دەڕوات.