تورکیا هۆکاری لەشکرکێشی هێزەکانی بۆ ناو خاکی هەرێمی کوردستان ئاشکرا دەکات.
یەشار گولەر وەزیری بەرگریی تورکیا رایگەیاند: هەوڵدەدەین رێڕەوێکی ئەمنی بە قوڵایی 30 بۆ 40 کیلۆمەتر و بە درێژایی سنوورەکانمان لەگەڵ عێراق و سوریا دروستبکەین.
تاوەکو کۆتاییهێنان بە هێزەکانی پارتی کرێکارانی کوردستان (پەکەکە)، هیزەکانی تورکیا لە ئەنجامدانی هێرشەکانیان بەردەوام دەبن.
مانگی رابردوو سوپای تورکیا لەشکرکێشی بۆناو خاکی هەرێمی کوردستان دەستپێکرد و بەوهۆیەشەوە بەشێک لە دانیشتووانی گوندەکانی سنووری ئامێدی ماڵەکانیان بەجێهێشتووە.