حەوت رێنمایی لە تەندروستی هەولێرەوە بۆ خۆپاراستن لە گەرما
  2024-06-21     

تەندروستی هەولێر حەوت رێنمایی بۆ خۆپاراستنی هاوڵاتیان لە گەرما بڵاوكردەوەو دەشڵێت، ئەگەر زۆر پێویست نەبێت لە ماڵ مەچنە دەرەوە بەتایبەت لە گەرمترین كاتەكانی رۆژدا.

ئاوێنە: بەڕێوەبەرایەتی گشتی تەندروستی هەولێر لە راگەیەندراوێكدا وتویەتی، ناوچەکە روبەڕوی شەپۆلی پلەی گەرمی بەرز بۆتەوە کە ڕەنگە لە پەنجا پلەی سیلیزی زیاتر بێت و کاریگەرییەکانی لەسەر تەندروستی هاوڵاتیان هەبێت، کە گرنگترینیان ماندوێتی و لە هۆشخۆچون بە گەرمان بەتایبەتی لەنێو منداڵان و بەساڵاچوان و نەخۆشانی ڕەبو و هەناسە.

تەندروستی هەولێر داوای لە هاوڵاتیان كردوە، لەو روەوە پەیڕەوی لەم حەوت رێنماییە بكەن:

 • لە ماڵ دەرنەچن و بەتایبەتی بەر تیشکی خۆر یان کەشوهەوای گەرم بەتایبەت لە گەرمترین کاتەکاندا کە لە نێوان کاتژمێر 10ی بەیانی تا 4ی ئێوارە، مەگەر زۆر پێویست بێت.

 • ئەگەر پێویست بو لە گەرمترین کاتەکاندا بچیتە دەرەوەی ماڵ یان دامەزراوەکە، پێویستە جلوبەرگی سوک و ڕەنگ سوک لەگەڵ کڵاوێکی لێوارپان لەسەر بکەیت، یان چەتری خۆر لەگەڵ خۆتدا هەڵبگریت و چاویلکەی خۆر لەچاو بکەیت.

 • دوربکەوەرەوە لە پیاسەکردن لەبەر تیشکی ڕاستەوخۆی خۆر و پیاسەکردن لە شوێنی سێبەردا.

 • لە ژێر تیشکی ڕاستەوخۆی خۆردا مەلە مەکە لە ڕوبار و وەرزش مەکە.

 • ⁠خواردنەوەی ئاو و شلەمەنییەکان بەڕێژەیەکی زۆر، بەلایەنی کەمەوە 3 لیتر لە ڕۆژێکدا، لە هەمان کاتدا خواردنی سەوزە و میوە بۆ پاراستن و شێدارکردنی لەش. 

 • ئەگەر توشی نەخۆشییەکی درێژخایەن بویت، پێویستە لەگەڵ پزیشکی پسپۆڕدا پێداچونەوە بە دەرمانەکانتدا بکەیت.

 • لە شوێنی فێنک پشو بدە کاتێک هەست بە نیشانەکانی فشاری گەرمی دەکەیت، وەک سەرسوڕەو سکچون و سەرئێشەی توندو دودڵ مەبە لە داوای ڕاوێژکاریی تەندروستی.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×