ڕاوێژکارێکی سودانی دابەزینی زیاتری بەهای دۆلاری بەرامبەر دینار ئاشکرا دەکات
  2024-03-28     

ڕاوێژکارێکی سەرۆک وەزیرانی عێراق لە دیدارێکی تەلەفزیۆنیدا دابەزینی زیاتری بەهای دۆلاری بەرامبەر دینار ئاشکراکرد.

فادی ئەلشەمەری، ڕاوێژکاری سەرۆک وەزیرانی عێراق، محەمەد شیاع سودانی پێشبینی دەکات بەهای دۆلاری ئەمریکی ڕوو لە دابەزینی زیاتر بکات بەرامبەر دیناری عێراقی.

فادی ئەلشەمەری لە لێدوانێکی تەلەفزیۆنیدا ڕایگەیاند، نرخی دۆلار زیاتر دادەبەزێت، بەگوێرەی خواست و خستنەڕووی بازاڕ.

ئاماژەی بەوەشکردووە، 70%ی بازرگانانی عێراق مامەڵە لەگەڵ پلاتفۆرمە ئەلیکترۆنییەکاندا دەکەن، لەکاتێکدا بەراورد بە پێشتر ڕێژەکەی 10% بەرزبووەتەوە.

پێشتر ئاژانسی ڕۆیتەرز لە زاری بەرپرسێکی بانکی ناوەندی عێراقەوە ئاشکرای کردبوو کە بازرگانان زیاتر ئارەزووی پلاتفۆرمی ئەلیکترۆنی دەکەن بۆ فرۆشتنی دۆلار بە نرخی فەرمی (1320 دینار)، هەروەها کارکردن بەشێوەیەکی ڕێکوپێک، بەو پێیەی حەواڵەی بازرگانی دەرەکی بۆ 200 ملیۆن دۆلار بەرزبووەتەوە، لەکاتێکدا ساڵی ڕابردوو تەنها 50 ملیۆن دۆلار بوو.

هاوکات ماوەی چەند ڕۆژێک دەبێت بەهای دۆلاری ئەمریکی بەرامبەر دیناری عێراقی ڕووی لە دابەزین کردووە، لە مانگی ڕابردوودا 100 دۆلاری ئەمریکی بە نزیکەیی لە دەوری 152 هەزاردا مامەڵەی پێوەدەکرا، بەڵام لە سەرەتای ئەم هەفەتەیدا پاش ماوەیەکی زۆر بۆ یەکەمجار تا 146 هەزار و 500 دینار دابەزی.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×